«ИЛМ-ФУРӮҒИ МАЪРИФАТ». Дар Душанбе маросими ҷоизасупорӣ ба ғолибони озмуни ҷумҳуриявӣ доир шуд
ДУШАНБЕ, 31.10.2024 /АМИТ «Ховар»/. 30 октябр дар Театри давлатии академии опера ва балети ба номи Садриддин Айнӣ маросими тантанавии ҷамъбасти Озмуни ҷумҳуриявии «Илм-фурӯғи маърифат» баргузор гардид, хабар медиҳад АМИТ «Ховар».
Муовини Сарвазири Ҷумҳурии Тоҷикистон, раиси комиссияи Озмуни ҷумҳуриявии «Илм-фурӯғи маърифат» Дилрабо Мансурӣ иброз намуд, ки Озмуни ҷумҳуриявии «Илм-фурӯғи маърифат» соли чорум аст таҳти сарпарастии Президенти Тоҷикистон муҳтарам Эмомалӣ Раҳмон бо мақсади боз ҳам бештар ба омӯзиши илмҳои табиатшиносӣ, дақиқ ва риёзӣ ҷалб кардани наврасону ҷавонон, олимону муҳаққиқон ва устодону омӯзгорон баргузор мешавад.
Баргузории ҳамасолаи озмун саҳифаи нав дар раванди эҳё намудани анъанаи аҷдодии миллати мо мебошад, ки ба инсоният силсилаи нобиғаҳоро дода, сатҳи донишандӯзӣ, таҳқиқот ва илми тоҷикро то ба садри илми ҷаҳонӣ бароварданд.
Озмун аз рӯи 7 номинатсия – математика, физика ва астрономия, химия, биология, география, технологияи иттилоотӣ, ихтироъкорӣ ва навоварӣ байни донишҷӯёни муассисаҳои миёна ва олии касбӣ, хонандагони муассисаҳои таҳсилоти миёнаи умумӣ, хонандагони муассисаҳои таҳсилоти миёнаи умумии типи нав (литсейҳо, гимназияҳо ва мактабҳои президентӣ), байни ходимони илмӣ, аспирантон, докторантон аз рӯи ихтисос, докторантони ҳабилитат ва унвонҷӯён, омӯзгорони муассисаҳои таълимӣ, муҳандисон, конструкторон ва намояндагони касбу кори гуногун баргузор гардид.
Тибқи иттилои Академияи миллии илмҳои Тоҷикистон, дар даври ҷумҳуриявии озмун 570 нафар иштирок намуд, 132 нафар ғолиб дониста шуда, соҳиби ҷойҳои 1,2 ва 3-юм гардиданд.
Ба омӯзгороне, ки дар омода намудани шогирдон саҳм гузоштаанд, Ифтихоронома ва мукофотпулӣ супорида шуд. Инчунин волидайне, ки фарзандонашон дар озмун иштирок намуда, ҷойҳои муайянро ишғол намудаанд, бо нишони «Маърифатпарвар» ва ифтихорномаҳо қадр гардиданд.
Дар чор соли баргузории Озмуни ҷумҳуриявии «Илм-фурӯғи маърифат» соли гузашта як нафар дар номинатсияи «Ихтироъкорӣ ва навоварӣ» соҳиби Шоҳҷоиза шуд.
Озмуни ҷумҳуриявии «Илм – фурӯғи маърифат» ба амалӣ гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) равона шуда, дар фазои илмию таълимӣ ҳамчун падидаи нави раванди рушди тафаккури техникӣ мақоми хосса пайдо намудааст.
Раъно НУСРАТУЛЛО,
АМИТ «Ховар»
АКС: Академияи миллии илмҳои Тоҷикистон
Бахшида ба 31-солагии Конститутсия дар Ёвон бинои иловагии Муассисаи таҳсилоти миёнаи умумии №5 ба истифода дода шуд
Ҳамкории илмӣ ва таълимии Тоҷикистон ва Донишгоҳи Реҷенти Лондон таҳким меёбанд
Дар Академияи идоракунии давлатӣ Рӯзи Конститутсияи Тоҷикистонро ҷашн гирифтанд
Дар Вазорати маориф ва илм бахшида ба Рӯзи Конститутсияи Тоҷикистон конференсия доир шуд
Муассисаҳои таҳсилоти олии Тоҷикистон бо Коллеҷи донишгоҳии Лондон ҳамкориро оғоз намуданд
Ҳамкории муассисаҳои олии Тоҷикистон бо муассисаҳои Британияи Кабир тақвият меёбад
Дар Кумита оид ба таҳсилоти ибтидоӣ ва миёнаи касбӣ аз таърихи қабули Конститутсияи Тоҷикистон ёдовар шуданд
Дар Новгород бо иштироки ҷавонон ва донишҷӯёни тоҷик вохӯрӣ доир шуд
Агентии таъмини сифати таҳсилоти олӣ як қатор муассисаҳои олии Тоҷикистонро аз аккредитатсияи байналмилалӣ мегузаронад
Дар Донишгоҳи давлатии Бохтар бахшида ба Рӯзи Конститутсияи Ҷумҳурии Тоҷикистон ҳамоиш доир гардид
Донишҷӯёни тоҷик дар Рӯзи дарҳои кушод дар Донишгоҳи Ҳирошимаи Ҷопон иштирок намуданд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
