Намояндаи доимии Тоҷикистон дар мубоҳисаҳои умумии Кумитаи дуюми иҷлосияи 79-уми Маҷмаи Умумии СММ иштирок намуд
ДУШАНБЕ, 09.10.2024 /АМИТ «Ховар»/. Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат дар мубоҳисаҳои умумии Кумитаи дуюми иҷлосияи 79-уми Маҷмаи Умумӣ иштирок ва суханронӣ намуд, хабар медиҳад АМИТ «Ховар» бо истинод ба Намояндаи доимии Ҷумҳурии Тоҷикистон дар Созмони Милали Муттаҳид.
Ҷонибек Ҳикмат ба зарурати талошҳои фаврии ҷаҳонӣ барои рафъи камбудиҳо дар ноил шудан ба Ҳадафҳои рушди устувор то соли 2030 таъкид кард.
Бо таъкиди пешсафии Тоҷикистон дар масъалаҳои об, Ҷонибек Ҳикмат бори дигар ба аҳамияти Конфронси дарпешистодаи оби Созмони Милали Муттаҳид дар соли 2028 дар Душанбе ва идомаи истифодаи платформаи «Раванди оби Душанбе» барои пешбарии масъалаҳои об тазаккур дод.
Илова бар ин, Ҷонибек Ҳикмат аз таъйин гардидани Намояндаи вижаи Дабири кулли Созмони Милали Муттаҳид оид ба об истиқбол намуда, омодагии Тоҷикистонро барои ҳамкорӣ бо ӯ дар пешбурди Рӯзномаи оби Созмони Милали Муттаҳид изҳор намуд.
Намояндаи доимии Тоҷикистон инчунин оид ба таъсири нигаронкунандаи тағйирёбии иқлим ба пиряхҳо сухан гуфта, изҳор дошт, ки дар Тоҷикистон дар асри гузашта 30 дарсади пиряхҳо об шуданд. Бо истинод ба татбиқи ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба эълони соли 2025 Соли байналмилалии ҳифзи пиряхҳо, ки дар натиҷаи он Хазинаи боварии Созмони Милали Муттаҳид барои ҳимоят аз обшавии пиряхҳо таъсис гардид, барои ба роҳ мондани ҳамкории байналмилалӣ даъват намуд.
Дар фарҷом Намояндаи доимӣ кишварҳои аъзои Созмони Милали Муттаҳидро барои иштирок дар Конфронси байналмилалӣ оид ба ҳифзи пиряхҳо, ки соли 2025 дар Душанбе ба нақша гирифта шудааст, даъват намуд.
АКС: Намояндаи доимии Ҷумҳурии Тоҷикистон дар Созмони Милали Муттаҳид
34-солагии Истиқлоли давлатии Ҷумҳурии Тоҷикистон дар шаҳри Бағдоди Ироқ таҷлил карда шуд
Робитаҳои фарҳангӣ ва сайёҳӣ байни Тоҷикистон ва Ироқ тақвият меёбанд
Дар Москва Истиқлоли давлатии Ҷумҳурии Тоҷикистонро таҷлил намуданд
Густариши ҳамкорӣ байни Тоҷикистон ва Ироқ баррасӣ шуд
Ҳайати Тоҷикистон таҷрибаи Донишкадаи дипломатия ва робитаҳои хориҷии Малайзияро мавриди омӯзиш қарор дод
Тоҷикистон ва Малайзия ҳамкориро тақвият медиҳанд
Дар Душанбе мулоқот оид ба рушди ҳамкории Тоҷикистон ва Ҷопон доир гардид
Тоҷикистон ва Бунёди ҷаҳонӣ ҳамкории муштарак оид ба конфронсҳои солонаи сармоягузориро баррасӣ намуданд
Тоҷикистон дар Ню-Йорк ҷаласаи махсуси сатҳи баланд баргузор намуд
Дар Душанбе ҷаласаи Котиботи «Осиёи Марказӣ – Иёлоти Муттаҳидаи Америка» дар қолаби С5+1 баргузор гардид
Маркази такмили ихтисоси Вазорати корҳои хориҷии Тоҷикистон ва Академияи дипломатии Анвар Гаргаш ҳамкориро густариш медиҳанд
Тоҷикистон ва Қатар ҳамкориро дар соҳаи энергетика ва энергияи «сабз» густариш медиҳанд
