Намояндаи Тоҷикистон дар конференсияи байналмилалии «Ҳифзи мерос барои субот» иштирок намуд
ДУШАНБЕ, 06.10.2024. /АМИТ «Ховар»/. Дар Ҷумҳурии Арманистон дар доираи ҷаласаи 28-уми умумии аъзои Ассамблеяи китобхонаҳои Авруосиё конференсияи байналмилалии «Ҳифзи мерос барои субот», ки ба 105-солагии таъсиси китобхонаи миллии Арманистон бахшида шуда буд, доир гардид. Дар он намояндаи Ҷумҳурии Тоҷикистон ба таври онлайнӣ иштирок намуд.
Тавре дар Китобхонаи миллии Тоҷикистон ба АМИТ «Ховар» хабар доданд, дар кори конфронс муовини якуми директори Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон Салима Раҷабзода иштирок намуда, омодагии Китобхонаи миллии Тоҷикистонро барои таҳкими муносибатҳо ва тавсеаи ҳамкорӣ байни ду китобхона ба хотири рушди фарҳанг иброз дошт.
Конференсия мутахассисони варзида ва ҷавони соҳаи китобдорӣ, осорхонашиносӣ, бойгонишиносӣ, самти табъу нашри тамоми ҷаҳонро ба ҳам овард. Дар он платформа барои табодули таҷрибаи ҷаҳонӣ, муаррифии фановариҳои ҷадид, ҳамзамон дар амал татбиқ намудани таҷрибаи меъёрҳои қабулшудаи байналмилалӣ, системаҳои назорат ва технологияҳо баррасӣ гардиданд.
Дар ҷаласа масъалаҳои ҳифзи мероси ниёгон, идоракунии рақамӣ, билиография, менеҷмент, хизматрасонӣ, рушди касбӣ, ҳифзу таъмири ҳуҷҷатҳо ва ҳуқуқҳои муаллиф муҳокима гардиданд.
Ҳамчунин дар конфронс омода намудани нишони библиографӣ бахшида ба 80-солагии Ҷанги дуюми ҷаҳон баррасӣ шуд.
Ёдовар мешавем, ки ҷаласаи 29-уми Ассамблеяи китобхонаҳои Авруосиё моҳи майи соли 2025 дар Ҷумҳурии Удмуртия баргузор мегардад.
АКС: Китобхонаи милли Тоҷикистон
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
