«Интернет барои хона» боз дар 6000 манзили истиқоматии Душанбе дастрас гардид
ДУШАНБЕ, 13.11.2024 /АМИТ «Ховар»/. Ширкати «МегаФон Тоҷикистон» васеъкунии фарогирии интернетро барои хона дар шаҳри Душанбе идома медиҳад. Имконияти пайвасткунии хизматрасонӣ дар даҳҳо хонаҳои маҳаллаҳои №15, Зарафшон 2 ва Испечак 1 пайдо шудааст.
Интернети ноқилии боэътимод ва баландсуръат барои кор, таҳсил, фароғат ва дастраскунии иттилоот зарур аст. Бинобар талаботи рӯзафзун ширкати «МегаФон Тоҷикистон» ин хизматрасониро дар маҳаллаҳои нави пойтахт дастрас менамояд. Сокинони беш аз 6 ҳазор манзили истиқоматии се маҳаллаи Душанбе акнун метавонанд аз имконияти техникӣ барои пайвасткунии «Интернет барои хона» баҳравар гарданд.
Интернети собит дар хона ҳам дастрастар ва ҳам муфидтар мегардад. Акнун метавонед тарофаи «Барои Хона 10 Мбит/с»-ро ду маротиба арзонтар- ҳамагӣ бо 140 сомонӣ дар як моҳ пайваст кунед. Ин имконияти беҳтарин барои таъмини интернет ба ҳама аъзои оила мебошад.
«Бо арзон кардани арзиши яке аз тарофаҳои суръатнок дар силсилаи «Барои хона» мо ба мизоҷон имконият медиҳем, ки ба сифати хизматрасонӣ баҳо дода, амалҳои зиёдеро, аз қабили муошират тариқи почтаи электронӣ то тамошои филмҳо дар Smart TV анҷом диҳанд. Сокинони шаҳри Душанбе бо истифода аз интернети хонагӣ дар дастгоҳҳои гуногун ва бо нархҳои муфид метавонанд мушкилоти интихоби провайдери ноқилиро фаромӯш кунанд»,-–мегӯяд директори Департамент оид ба инкишоф ва корбурди ТМСБ ширкати «МегаФон Тоҷикистон» Алиҷон Ғаниев.
Маълумоти пурра оид ба тарофаҳо ва шартҳои пайвасткунии хизматрасонӣ дар сомонаи оператор ё бо рақами 4747.
АКС: ширкати «МегаФон Тоҷикистон»
Имрӯз дар баъзе ноҳияҳои Тоҷикистон туман мефарояд
Таҳти раёсати Тоҷикистон ҷаласаи 108-уми Шурои иқтисодии Иттиҳоди Давлатҳои Мустақил баргузор гардид
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
