Маҷмуи маҳсулоти дохилӣ аз 1,8 миллиард сомонии соли 2000 то 130,8 миллиард сомонӣ дар соли 2023 зиёд гардид
ДУШАНБЕ, 04.11.2024 /АМИТ «Ховар»/. Новобаста ба таъсири омилҳои берунӣ дар натиҷаи татбиқи бомароми стратегияву барномаҳои давлатӣ танҳо дар 23 соли давраи Истиқлоли давлатӣ маҷмуи маҳсулоти дохилӣ аз 1,8 миллиард сомонии соли 2000 то 130,8 миллиард сомонӣ дар соли 2023 ё 73 маротиба, маҷмуи маҳсулоти дохилӣ ба ҳар нафар аҳолӣ аз 289 сомонии соли 2000 то 12,9 ҳазор сомонӣ дар соли 2023 ё 45 маротиба зиёд гардид. Дар ин хусус зимни баргузории ҷамъомади тантанавӣ бахшида ба Рӯзи Конститутсияи Ҷумҳурии Тоҷикистон дар Вазорати рушди иқтисод ва савдо иттилоъ дода шуд, хабар медиҳад АМИТ «Ховар» бо истинод ба ин вазорат.
Дар ҷамъомад Вазири рушди иқтисод ва савдо Завқӣ Завқизода изҳор дошт, ки қабули Конститутсия ва фазои орому осоишта, инчунин заҳматҳои шабонарӯзии Ҳукумати мамлакат барои рушди бонизоми иҷтимоию иқтисодӣ дар ҷумҳурӣ шароити мусоид фароҳам овард.
Новобаста ба таъсири омилҳои берунӣ баъд аз қабули Конститутсия ва дар натиҷаи татбиқи бомароми стратегияву барномаҳои давлатӣ танҳо дар 23 соли давраи Истиқлоли давлатӣ даромадҳои пулии аҳолӣ аз 1 миллиард сомонии соли 2000 то 112,7 миллиард сомонӣ дар соли 2023 ё 112 маротиба зиёд гардид.
Иброз шуд, ки дар даврони соҳибистиқлолӣ сатҳи камбизоатӣ аз 83 фоиз то 21,2 фоиз коҳиш ёфта, зиёда аз 2400 км роҳҳо ва беш аз 2 ҳазор мегаватт иқтидори нави энергетикӣ, 3648 муассисаи нави таълимӣ ва 2958 муассисаи нави тиббӣ сохта, ба истифода дода шуданд.
АКС: Вазорати рушди иқтисод ва савдои Ҷумҳурии Тоҷикистон
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
