Дар Лондон масъалаи солимгардонии ҳудудҳо баррасӣ гардид
ДУШАНБЕ, 09.12.2024. /АМИТ «Ховар»/. 5 декабр дар шаҳри Лондон ҳайати Тоҷикистон таҳти роҳбарии муовини Вазири саноат ва технологияҳои нави Ҷумҳурии Тоҷикистон Азиз Назар дар нишасти навбатии Ассамблеяи солонаи саҳмгузорони Хазинаи барқарорсозии муҳити зист барои Осиёи Марказӣ иштирок намуд. Дар ин хусус АМИТ «Ховар» бо истинод ба Вазорати саноат ва технологияҳои нави ҷумҳурӣ хабар медиҳад.
Ҷаласа аз ҷониби Бонки аврупоии таҷдид ва рушд ташкил шуда, таҳти раисии роҳбари Ассамблеяи донорон Адриан ван дер Меер ва иштироки ҳайатҳои Тоҷикистон, Қирғизистон, Узбекистон ва кишварҳои шарику донор баргузор гардид.
Зимни он аҳамияти солимгардонии ҳудудҳои аз истеҳсолоти уран зарардидаи давлатҳои Осиёи Марказӣ, корҳои анҷомшудаи безараргардонӣ, мушкилоти ҷойдошта ва амалисозии иқдоми баъдӣ таъкид гардида, дар ин зимн зарурати ҷалби навбатии ҷонибҳои шарик ва саҳмгузорон барои татбиқи ҳадафҳои гузошта муҳим арзёбӣ шуд.
Ҳайати Тоҷикистон дар доираи нишаст ҳамчунин бо раиси Ассамблеяи донорон Адриан ван дер Меер, роҳбари Хазинаи барқарорсозии муҳити зист барои Осиёи Марказии Бонки аврупоии таҷдид ва рушд Эстер Харландер ва намояндаи масъули Комиссияи Аврупо хонум Электра Тсигаридас вохӯрӣ намуда, ҳамкории дуҷониба ва мавзуъҳои муштараки баъдиро барои татбиқи лоиҳаҳои солимгардонии иншооти меросии уран ва партовгоҳҳои радиоактивӣ баррасӣ карданд.
Баррасии идомаи таъмини ҳамоҳангии муштарак байни мақомоти соҳавии давлатҳои минтақа дар доираи Хазинаи барқарорсозии муҳити зист барои Осиёи Марказӣ байни роҳбарони ҳайатҳои Тоҷикистон, Қирғизистон ва Узбекистон низ доир шуд.
Дар ҳошияи нишаст мулоқотҳои алоҳидаи ҳайати мамлакат бо намояндагони кишварҳои донор ва созмонҳо барои баррасии самтҳои ҳамкорӣ ва татбиқи муштараки Нақшаи стратегии умумии Агентии байналмилалии неруи атомӣ (АБНА) доир ба солимгардонии партовгоҳҳои радиоактивӣ дар давлатҳои Осиёи Марказӣ баргузор шуданд.
АКС: Вазорати саноат ва технологияҳои нави Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
