Дар шаҳри Риёз вохӯрии сардорони мақомоти гумруки Тоҷикистон ва Давлати Қатар доир гардид
ДУШАНБЕ, 07.12.2024. /АМИТ «Ховар»/. 6 декабр дар шаҳри Риёзи Подшоҳии Арабистони Саудӣ дар доираи «Конфронси Закот, Андоз ва Гумрук — 2024» сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо сардори Идораи Гумруки Давлати Қатар Аҳмад Ал-Ҷамал вохӯрӣ намуд. Дар ин хусус ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон хабар доданд.
Дар вохӯрӣ Хуршед Каримзода иброз дошт, ки омӯзиш ва истифодаи таҷрибаи пешқадами мақомоти гумруки Давлати Қатар дар пешбурди фаъолияти гумрукӣ барои Ҷумҳурии Тоҷикистон ба нафъи кор буда, ҳамкории гумрукӣ пас аз ба имзо расонидани шартномаи нави ҳамкорӣ ба сатҳи баланд хоҳад расид.
Сардори Идораи Гумруки Давлати Қатар Аҳмад Ал-Ҷамал омодагии хешро барои тайёрӣ ва бозомӯзии мутахассисон дар соҳаи идоракунии гумрук ва ба имзо расонидани шартномаи нави ҳамкорӣ байни мақомоти гумруки ҳарду давлат баён намуд.
Дар вохӯрӣ мусоҳибон вобаста ба тавсеаи минбаъдаи робитаҳои дуҷонибаи гумрукӣ мубодилаи афкор намуданд.
АКС: Хадамоти гумруки назди Ҳукумати Ҷумҳурии Тоҷикистон
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
Эмомалӣ Раҳмон: «Рушди металлургияи сиёҳ сармоягузорӣ ба ояндаи Тоҷикистон аст»
Дар шаш моҳи соли равон 691,1 миллион дона тухм ва 21,1 тонна гӯшти паранда истеҳсол гардидааст
Дар Душанбе ҷалби сармоя ва таъсиси корхонаҳои истеҳсолӣ баррасӣ шуд
Эмомалӣ Раҳмон: «Маҷмааи металлургии Тоҷикистон даҳҳо корхона ва ҳазорон ҷойи нави кор таъсис медиҳад»
Дар Тоҷикистон суръати интернети мобилӣ панҷ баробар афзоиш ёфтааст
