Сарвазири Тоҷикистон бо роҳбари ҶДММ «Ширкати байналмилалии Течен оид ба захираҳои табиии ноҳияи мухтори Синзиян-Уйғур»-и Чин мулоқот анҷом дод
ДУШАНБЕ, 05.12.2024 /АМИТ «Ховар»/. Имрӯз Сарвазири мамлакат Қоҳир Расулзода бо роҳбари Ҷамъияти дорои масъулияти маҳдуди «Ширкати байналмилалии Течен оид ба захираҳои табии ноҳияи мухтори Синзиян-Уйғур»-и Ҷумҳурии Мардумии Чин Хуан Тзсян Жунг мулоқот анҷом дод.
Дар мулоқот вобаста ба тақвияти ҳамкорӣ байни Тоҷикистон ва ширкатҳои Чин дар робита ба коркарди маъдан ибрози назар карда шуд.
Бо ёдоварӣ аз фаъолияти Ҷамъияти дорои масъулияти маҳдуди «Ширкати саноати кӯҳии Тоҷикистону Чин» таъкид шуд, ки он бузургтарин ширкати муштарак дар самти коркарди маъдан ба ҳисоб меравад.
Ҷонибҳо бо ибрози қаноатмандӣ аз ҳамкорӣ изҳор доштанд, ки бо дарназардошти иқтидору захираҳо имкон аст доираи фаъолият аз ин ҳам бештар гардонида шавад.
Аз ҷумла таъкид карда шуд, ки соли 2023 бо иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Истиқлоли вилояти Суғд санги асоси навбати дуюми «Маҷмааи саноати кӯҳии Тоҷикистону Чин» гузошта шуд ва бо бунёди он истеҳсоли маъданҳои гуногун, аз ҷумла сурб, нуқра ва мис ба маротиб зиёд мегардад.
Ҳамзамон ҷонибҳо дар доираи татбиқи шартнома ва санадҳои ҳуқуқии байниҳамдигарӣ ибрози назар карда, тақвияти ҳамкориро барои татбиқи яке аз ҳадафҳои стратегии Ҳукумати Ҷумҳурии Тоҷикистон — саноатикунонии босуръати мамлакат муҳим арзёбӣ намуданд.
Ба «Трести чарогоҳу мелиоративӣ»-и Вазорати кишоварзии Тоҷикистон ду мошини махсуси чорвокашонӣ дастрас шуд
Кабк «Парандаи сол-2026» интихоб гардид
ИСТИФОДАИ САМАРАНОКИ ЗАМИН. Дар ноҳияи Ҷайҳун ҷамъоварии ҳосили сабзӣ аз кишти такрорӣ идома дорад
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
