35-СОЛАГИИ ИСТИҚЛОЛИ ДАВЛАТӢ. Дар Суғд корхонаи азими коркард ва истеҳсоли оҳан бунёд мегардад
ДУШАНБЕ, 14.01.2025. /АМИТ «Ховар»/. Дар мавзеи Шоқадамбулоқи ноҳияи Бобоҷон Ғафуров аз тарафи «Комбинати металлургии тоҷик» корхонаи азими коркард ва истеҳсоли оҳан сохта мешавад, ки дар он то 1000 нафар бо ҷойи кор таъмин мегарданд. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Корхонаи азими саноатӣ дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон ва расидан ба ҳадафи чоруми стратегӣ-саноатикунонии босуръати мамлакат бунёд мегардад.
Иттилоъ дода шуд, ки дар айни замон корҳои иктишофӣ ба охир расида, сохтмони корхона оғоз ёфтааст.
Бино ба иттилои масъулин, дар ин мавзеъ якчанд кон вуҷуд дорад ва дар марҳилаи аввал аз кони Шоқадамбулоқ истифода хоҳад шуд. Кони Шоқадамбулоқ яке аз бузургтарин конҳо дар минтақа ба шумор рафта, дар он то 48 миллион тонна захираи ашёи хом мавҷуд мебошад.
Ба корҳои сохтмонӣ 150 сокини маҳаллӣ ҷалб гардида, масъулин азм доранд ин корхонаро то таҷлили 35-солагии Истиқлоли давлатӣ сохта, ба истифода диҳанд. Дастгоҳу таҷҳизоти корхона аз Ҷумҳурии Мардумии Чин ворид гардида, бо ҷалби мутахассисони ин давлат васлу насб карда мешаванд.
Иттилоъ дода шуд, ки ба ифтихори 35-солагии Истиқлоли давлатии Ҷумҳурии Тоҷикистон дар вилояти Суғд сохтмони зиёда аз 12 000 иншоот ба нақша гирифта шудааст. Дар ин давра садҳо корхонаҳои нав бунёд ва ба истифода дода мешаванд.
АКС: Хадамоти матбуоти Раиси вилояти Суғд
Дар вилояти Суғд 109 корхонаи нави саноатӣ таъсис гардид
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
