Дар Душанбе Анҷумани сармоягузорӣ ва гардишгарии Тоҷикистону Эрон баргузор мешавад
ДУШАНБЕ, 14.01.2025 /АМИТ «Ховар»/. 16 январ дар шаҳри Душанбе Анҷумани сармоягузорӣ ва гардишгарии Тоҷикистону Эрон баргузор мешавад. Чорабинии мазкур дар доираи сафари давлатии Президенти Ҷумҳурии Исломии Эрон Масъуд Пизишкиён ба Ҷумҳурии Тоҷикистон доир мегардад, хабар медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.
Дар кори Анҷуман аз ҳар ду ҷониб 400 нафар иштирок намуда, пас аз ифтитоҳи расмии ҳамоиш наворҳои видеоӣ оид ба имкониятҳои сармоягузории Тоҷикистону Эрон пешниҳод мегардад.
Сипас, кори Анҷуман дар панелҳои зерин: «Пулҳои тиҷоратӣ ва инноватсияҳо: Нигоҳи нав ба робитаҳои иқтисодӣ» ва «Кашфи уфуқҳои нав: Тоҷикистон ва Эрон –пайвасти фарҳангҳо дар ҷаҳони сайёҳӣ» идома меёбад.
Дар мавзуи «Пулҳои тиҷоратӣ ва инноватсияҳо: Нигоҳи нав ба робитаҳои иқтисодӣ» Вазири энергетика ва захираҳои оби Ҷумҳурии Тоҷикистон, Вазири саноат ва технологияҳои нави Ҷумҳурии Тоҷикистон, Директори Агентии инноватсия ва технологияҳои рақамӣ, инчунин роҳбарони мақомоти давлатии ҷониби эронӣ маъруза хоҳанд кард.
Дар кори панели дуюм, ки таҳти унвони «Кашфи уфуқҳои нав: Тоҷикистон ва Эрон –пайвасти фарҳангҳо дар ҷаҳони сайёҳӣ» баргузор мешавад, суханронии Вазири фарҳанги Ҷумҳурии Тоҷикистон, Раиси Кумитаи муҳити зисти назди Ҳукумати Ҷумҳурии Тоҷикистон, муовини Раиси шаҳри Душанбе ва роҳбарони мақомоти давлатии ҷониби эронӣ дар назар дошта шудааст.
Ҳамчунин дар Анҷуман ба имзорасонии санадҳои ҳамкорӣ байни соҳибкорони тоҷикистонӣ ва эронӣ ба нақша гирифта шудааст.
Ёдовар мешавем, ки 15 январ Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад.
Тибқи иттилои Вазорати корҳои хориҷии Ҷумҳурии Тоҷикистон, дар доираи сафар мулоқоту музокироти сатҳи баланди Ҷумҳурии Тоҷикистон ва Ҷумҳурии Исломии Эрон доир гардида, маҷмуи васеи масъалаҳои марбут ба ҳамкории дуҷониба баррасӣ хоҳанд шуд.
Ҳамчунин тибқи барномаи сафар, пас аз мулоқоту музокироти сатҳи олӣ байни Тоҷикистон ва Эрон чанд санади нави ҳамкорӣ ба имзо мерасад.
Дар доираи сафар ҳамчунин 15-16 январ дар шаҳри Душанбе Форуми олимон ва пажуҳишгарони Ҷумҳурии Тоҷикистон ва Ҷумҳурии Исломии Эрон баргузор мешавад. Дар ҳошияи форум иштирокчиён бо якчанд муассисаи илмии Академияи миллии илмҳои Тоҷикистон шинос мешаванд.
Ҳамзамон меҳмонони форум мавзеъҳои таърихию фарҳангии шаҳри Ҳисорро тамошо мекунанд.
АКС аз бойгонӣ
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
