Дар Душанбе татбиқи лоиҳаҳои муштарак дар соҳаи таҳсилоти ибтидоӣ ва миёнаи касбӣ бо ТИКА баррасӣ гардид
ДУШАНБЕ, 17.01.2025 /АМИТ «Ховар»/. 16 январ дар вохӯрии Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ва Роҳбари Агентии Туркия оид ба ҳамкорӣ ва ҳамоҳангсозӣ дар Ҷумҳурии Тоҷикистон (ТИКА) Иброҳим Этҳем Унал масъалаҳои марбут ба имконияти амалӣ намудани лоиҳаҳои муштарак, хусусан дар соҳаҳои таҳсилоти ибтидоӣ ва миёнаи касбӣ мавриди муҳокимаи ҷонибҳо қарор гирифтанд.
Гуфта шуд, ки бо мақсади густариши ҳамкорӣ бо Кумита оид ба таҳсилоти ибтидоӣ ва миёнаи касбӣ ТИКА якҷо бо Бонки исломии рушд лоиҳаеро баррасӣ доранд, ки дар доираи он якчанд сафари омӯзишии кормандони кумита ба муассисаҳои таҳсилоти ибтидоӣ, миёнаи касбӣ ва марказҳои касбомӯзии Ҷумҳурии Туркия ба нақша гирифта шудааст.
Татбиқи лоиҳа имсол шуруъ мегардад.
Дар доираи лоиҳа мунтазам машварату тренингҳо барои роҳбарони муассисаҳои таълимии касбӣ ва мутахассисон дар соҳаҳои гуногун баргузор мешаванд, ки боиси баланд бардоштани малака ва сатҳи сифати таълим мегардад. Ин тадбирҳо, бешубҳа, ба таҳкиму густариши ҳамкории дуҷониба байни Тоҷикистон ва Туркия дар соҳаи таҳсилоти касбӣ ва омодасозии мутахассисон мусоидат менамояд.
Зимни мулоқот ҷонибҳо ҳавасмандии худро ба таҳкиму густариши бештари ҳамкории муштарак ва истифодаи имконияту зарфияти мавҷуда изҳор намуданд.
Дар вохӯрӣ дигар масоили марбут ба рушди муносиботи ҳамкорӣ ва мавзуъҳои муҳиму мубрами барои ҳарду ҷониб судманд баррасӣ шуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Ҳайати Тоҷикистон дар мубоҳисаҳои умумии ҷаласаи 70-уми Комиссияи СММ оид ба мақоми зан иштирок намуд
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
