Дар ноҳияи Кӯшониён бинои иловагии муассисаи таҳсилоти миёнаи умумӣ ифтитоҳ гардид

ДУШАНБЕ, 25.01.2025. /АМИТ «Ховар»/. Дар деҳаи Ваҳдати Ҷамоати деҳоти Навбаҳори ноҳияи Кӯшониён бинои иловагии Муассисаи таҳсилоти миёнаи умумии № 52 ифтитоҳ гардид.

Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, иншоот аз ду ошёна ва 4 синфхона иборат буда, барои 100 хонанда дар як баст пешбинӣ шудааст.

Дар Муассисаи таҳсилоти миёнаи умумии № 52   600 хонанда дар 12 синфхона ба таълим ва тарбия фаро гирифта шуда, ба онҳо 32 омӯзгор дарс мегӯянд.

Раиси вилояти Хатлон Давлаталӣ Саид иброз намуд, ки  ки рисолати аслии омӯзгор дар руҳияи ватандӯстию ифтихори миллӣ тарбия намудани насли наврас ба шумор меравад.

Раиси вилояти Хатлон дар деҳаи Ваҳдати Ҷамоати деҳоти Навбаҳори ноҳияи Кӯшониён ҳамчунин бо гармхонаҳои шакли нав шинос шуд.

Дар назди хоҷагии деҳқонии «Ёрмаҳмад» аз тарафи Лоиҳа «Оид ба кишоварзӣ ва идоракунии заминҳои кишоварзӣ дар Тоҷикистон дар доираи ташаббуси озуқаворӣ ба хотири оянда» гармхонаҳои шакли нав ташкил шудаанд.

Масоҳати умумии заминҳои хоҷагӣ 4,60 гектар буда, дар он 3  гармхонаи доимӣ ташкил шудааст. Дар 2 адади он қулфинай парвариш шуда, дар 1 гармхонаи дигар дар масоҳати 0,50 гектар кӯчат тайёр карда мешавад. Дар боқимонда 3,50 гектар замини хоҷагӣ пунбадона кишт карда мешавад. Аз коштани тухмӣ то парвариш он тавассути технологияи муосири кишоварзӣ анҷом меёбад.

 АКС: Хадамоти матбуоти Раиси вилояти Хатлон