Дар Женева масъалаи омодагӣ ба Конфронси байналмилалии сатҳи баланд дар мавзуи ҳифзи пиряхҳо баррасӣ шуд
ДУШАНБЕ, 21.01.2025 /АМИТ «Ховар»/. Масъалаи омодагӣ ба баргузории Конфронси байналмилалии сатҳи баланд дар мавзуи ҳифзи пиряхҳо, ки 29-31 майи соли 2025 дар шаҳри Душанбе баргузор мегардад, дар мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Дабири кулли Созмони ҷаҳонии обуҳавошиносӣ хонум Селесте Сауло дар қароргоҳи Созмони ҷаҳонии обуҳавошиносӣ дар шаҳри Женеваи Конфедератсияи Швейтсария баррасӣ гардид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки мусоҳибон ташаббусҳои глобалии Президенти Ҷумҳурии Тоҷикистон муҳтарам Эмомалӣ Раҳмонро вобаста ба обу иқлим ёдовар шуда, таваҷҷуҳи хоссаро ба масъалаи оғози Соли байналмилалии ҳифзи пиряхҳо дар соли 2025 ва ҷалби фаъолонаи Созмони ҷаҳонии обуҳавошиносӣ ба раванди татбиқи ин ташаббус ҷалб намуданд.
Дар ҷараёни мулоқот масъалаҳои марбут ба таҳкими иқтидори техникии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон, баланд бардоштани сатҳи касбии кормандон ва омодасозии мутахассисони ҷавон дар соҳаҳои обуҳавосанҷӣ, иқлимшиносӣ ва гидрология баррасӣ шуданд.
Ҷонибҳо барои густариш додани ҳамкории минбаъда ба мувофиқа расиданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Самтҳои асосии сиёсати иқтисодию молиявии Тоҷикистон дар Тошканд баррасӣ гардид
ДАҲСОЛАИ ТАҲКИМИ СУЛҲ БА ХОТИРИ НАСЛҲОИ ОЯНДА. Ин ташаббуси бузурги глобалӣ барои сайёраи бехатар мебошад
Имкониятҳои сайёҳӣ ва ҳунарҳои миллии Тоҷикистон дар Ҳафтаи фарҳангии «Ҷянсу – Осиёи Марказӣ 2026» муаррифӣ карда шуд
МАСЛИҲАТИ МУТАХАССИС. Зардолу чӣ дар шакли тару тоза ва хушкаш фоидаовар мебошад
Лоиҳаи «Тақвияти иқтидори Тоҷикистон барои ҷалб ва истифодаи маблағгузории иқлимӣ» ҷамъбаст гардид
Рушди иқтисоди рақамӣ заминаи устувори пешрафти Тоҷикистон мебошад
Имрӯз дар Душанбе ҷаласаи 45-уми Шурои идоракунандагони Фонди иқлими сабз оғоз гардид
Дар Тоҷикистон наздик ба 50 ҳазор гектар кишти такрорӣ гузаронида шуд
Ташаббуси оламшумули Пешвои миллат дар самти таҳкими сулҳ ҷонибдорӣ ёфт
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
