ОЁ МЕДОНЕД? Бағоҷи дар фурудгоҳ фаромӯшшуда чӣ гуна ба соҳибаш баргардонида мешавад?
ДУШАНБЕ, 20.01.2025 /АМИТ «Ховар»/. Фаромӯш гардидани бағоҷ дар фурудгоҳ ҳолати маъмулӣ мебошад, аз ҷумла мусофир метавонад ҳангоми харидорӣ дар мағозаҳои Duty Free, дар қаҳвахона ва ҳангоми ҳолати хотирпарешонӣ бағоҷи худро фаромӯш намояд.
Тавре АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад, дар ҳолати пайдо гардидани бағоҷи фаромӯшшуда фурудгоҳ маҷбур мешавад, ки тартиби махсуси бехатариро оғоз намояд. Сараввал корманди махсуси фурудгоҳ тавассути баландгӯяк оид ба дарёфти бағоҷ эълонро такрор намуда, мунтазам ба мусофирон хотиррасон менамояд, ки чизҳо ва ашёи худро бе назорат нагузоранд.
Сипас кормандони махсуси бехатарӣ наворҳои камераҳои назоратиро тафтиш менамоянд. Баъзан ин барои пайдо намудани соҳиби бағоҷ ва баргардонидани ашёи фаромӯшшуда ба онҳо кумак мерасонад. Агар камераҳо барои пайдо намудани мусофир кумак накунанд, он гоҳ ашё барои мавҷудияти моддаҳои хатарнок санҷида шуда, ба шуъбаи бағоҷи гумшудаи «Lost & Found» интиқол дода мешавад.
Дар баъзе фурудгоҳҳо зарур меояд, ки барои ҳар рӯзи нигаҳдории бағоҷ маблағ пардохт намуд. Агар мусофир дар муҳлати муайян бағоҷи худро дарёфт нанамояд, сипас бағоҷ ба расмиёти нобудсозӣ (утилизация) ирсол мегардад. Муддати муайяни нигоҳдории бағоҷ дар ҳар фурудгоҳ гуногун буда, дар аксар вақт бағоҷи дарёфтшуда муддати 6 моҳ нигоҳ дошта мешавад.
Чунин бағоҷ аксар вақт бо пешниҳоди ҳуҷҷатҳои зарурӣ ва шаҳодатнома баргардонида мешавад.
АКС аз манбаъҳои боз
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
Неругоҳҳои барқи обии «Норак» ва «Бойғозӣ» барои гузаронидани мавсими сармо омода мебошанд
Дар Душанбе нахустин Анҷумани саратоншиносон ва радиологҳои Тоҷикистон доир шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Дар Душанбе иди бостонӣ ва миллии мо-Меҳргон бо шаҳомати хосса доир мегардад
Намояндагони Суди Олии Тоҷикистон дар Форуми байналмилалии судяҳо оид ба моликияти зеҳнӣ иштирок намуданд
Оид ба стратегияи ҳамкории Тоҷикистон ва Корея машғулияти академӣ доир шуд
Лоиҳаи Қонуни Ҷумҳурии Тоҷикистон «Дар бораи бостоншиносӣ» баррасӣ гардид
Намояндагони Сафорати Тоҷикистон дар Русия бо донишҷӯёни тоҷик вохӯрӣ намуданд
