Соли 2024 нақшаи андозҳо ва дигар пардохтҳои ҳатмӣ дар шаҳри Ваҳдат 107,7 фоиз иҷро гардид
ВАҲДАТ, 25.01.2025 /АМИТ «Ховар»/. Соли 2024 нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат ба андозаи 107,7 фоиз иҷро гардид. Тибқи иттилои масъулини Нозироти андози шаҳри Ваҳдат, ба ҷойи 350,7 миллион сомонии нақшавӣ ба буҷети шаҳр 377,7 миллион сомонӣ ворид карда шуд, ки нисбат ба нишондиҳандаҳои нақшавӣ 26,9 миллион сомонӣ зиёд ва нисбат ба ҳимин давраи соли 2023 59,1 миллион сомонӣ зиёд мебошад.
Вобаста ба иҷрои сифатноки нақшаи андозҳо ва дигар пардохтҳои ҳатмӣ дар шаҳри Ваҳдат бояд гуфт, ки дар дувоздаҳ моҳи соли 2024 нақшаи андоз аз даромади шахсони воқеӣ 111,3 фоиз, андоз аз даромади шахсони ҳуқуқӣ 103,1 фоиз, андозҳо барои захираҳои табиӣ 100,6 фоиз, андозҳо аз молу мулк 125,7 фоиз, андозҳо аз арзиши иловашуда 109,7 фоиз, низомҳои махсуси андозбандӣ 111,3 фоиз, аксизҳо 213,3 фоиз, пардохтҳои дигар ба буҷети маҳаллӣ 195,3 фоиз ва боҷи давлатӣ 186,5 фоиз иҷро карда шуд.
Муовини сардори Нозироти андози шаҳри Ваҳдат Хуршед Қудратзода ба мухбири АМИТ «Ховар» иброз дошт, ки «мутахассисони нозироти андоз соли 2024 дар доираи Соли маърифати ҳуқуқӣ эълон гардидани соли 2024 мунтазам бо андозсупорандагон корҳои фаҳмондадиҳӣ гузарониданд. Ҳамчунин бо амалӣ намудани Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркуниҳои ғайринақдӣ» барои шаҳрвандон ва андозсупорандагон имконият фароҳам оварда шуд, ки бо истифода аз хизматрасонии эквайрингӣ, ҳамёни электронӣ ва пос-терминалҳо маблағи андозҳо ва боҷҳоро ба таври ғайринақдӣ сари вақт ба буҷет пардохт намоянд. Хушбахтона, соҳибкорону андозсупорандагони шаҳри Ваҳдат таҳти сиёсати хирадмандонаи Президенти Тоҷикистон, Пешвои миллат муҳтарам Эмомалӣ Раҳмон раванди рақамикунонии соҳаи андоз ва номгӯи хизматрасонии давлатӣ дар шакли электрониро хуб дарк намудаанд, ки ин ба иҷрои нақшаи андозҳо таъсири хуб мерасонад».
Субҳониддини МАҲМУД,
АМИТ «Ховар»
АКС: АМИТ «Ховар»
Дар шаш моҳи соли 2026 беш аз 1 миллион килограмм маҳсулоти ғайристандартӣ аз муомилот гирифта шуд
Дар ноҳияи Деваштич кишти картошка ба 10 ҳазор гектар расонида мешавад
Байни Вазорати молияи Тоҷикистон ва Агентии Чин оид ба ҳамкории рушди байналмилалӣ Ёддошти тафоҳум ба имзо расид
ДЕҲОТИ РАҚАМӢ. Лоиҳа бо мақсади беҳтар намудани дастрасии интернет ва алоқаи мобилӣ дар минтақаҳои Тоҷикистон амалӣ мешавад
Дар Душанбе татбиқи «Барномаи рушди таҳвилгарон ва содирот» расман оғоз гардид
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Соли равон фурудгоҳҳои байналмилалии Тоҷикистон ба зиёда аз 1,5 миллион мусофир хизмат расонидаанд
Ҳоким Холиқзода бо Сафири нави Арабистони Саудӣ дурнамои ҳамкориро баррасӣ намуд
НИШАСТИ МАТБУОТӢ. Дар 65 шаҳру ноҳияи Тоҷикистон пойгоҳои базавии стандартӣ 5G насб карда мешавад
Дар Душанбе ҷаласаи дуюми Шурои кории Тоҷикистону Туркманистон баргузор гардид
НИШАСТИ МАТБУОТӢ. Соли равон тавассути ҳама намуди нақлиёт беш аз 76 миллион тонна бор ва 552 миллион мусофир интиқол дода шуд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
