ТАҚВИМИ АМИТ «ХОВАР»: имрӯз 4 январ, шанбе, 4-умин рӯзи соли 2025 аст

Дар ин рӯзи соли 1964 дар корхонаи истеҳсоли яхдони шаҳри Душанбе аввалин маротиба  яхдони тамғаи «Помир» истеҳсол шуд.

***

Соли 2009 дар ҷаласаи ғайринавбатии Шурои ҷамъиятии Ҷумҳурии Тоҷикистон масъалаи сохтмони Неругоҳи барқи обии «Роғун» баррасӣ гардид.

***

15 сол пеш, дар ин рӯз дар Дубай маросими ботантанаи ба истифода додани баландтарин бинои ҷаҳон- Бурҷи Халиф баргузор гардид.

***

4 январи соли 2011 Маҷлиси намояндагони Маҷлиси Олии Ҷумҳурии Тоҷикистон масъалаи ҳамроҳ шудани Ҷумҳурии Тоҷикистон ба Протоколи Созишномаи Мадрид дар бораи бақайдгирии байналмилалии тамғаҳоро баррасӣ намуд.

***

Дар ин рӯзи соли 2015 АМИТ «Ховар» хабар дод, ки соли 2014 ба Тоҷикистон 463 ҳазору 700 нафар шаҳрвандони хориҷӣ ташриф оварда, аз онҳо 413 ҳазору 834 нафарашон ба ҳайси сайёҳ омадаанд.

***

4 январи соли 2016 Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон дар мамлакати Арабистони Саудӣ бо хабарнигори рӯзномаи «аш-Шарқ ал-Авсат» мусоҳиба анҷом доданд.

***

8 сол пеш, 4 январи соли 2017 Пешвои миллат муҳтарам Эмомалӣ Раҳмон ба муносибати 25-солагии барқарории робитаҳои дипломатӣ байни Ҷумҳурии Тоҷикистон ва Ҷумҳурии Мардумии Чин ба Раиси Ҷумҳурии Мардумии Чин Си Ҷинпин барқияи табрикӣ ирсол намуданд.

***

4 январи соли 2018 Тоҷикистон дар раддабандии Ташкилоти байналмилалии «British Backpacker Society» аз рӯи имконияти саёҳати саргузаштӣ ва пиёдагардӣ ба даҳгонаи аввали кишварҳои беҳтарини ҷаҳон дохил шуда, мавқеи 7-умро ишғол намуд.

***

Дар ин рӯзи соли 2022 дар шаҳри Риёз нишасти матбуотии Сафорати Ҷумҳурии Тоҷикистон дар Подшоҳии Арабистони Саудӣ дар робита ба Қарори  Ҳукумати Ҷумҳурии Тоҷикистон дар бораи ҷорӣ намудани  низоми бераводиди яктарафа нисбат ба баъзе давлатҳои хориҷӣ, аз ҷумла Подшоҳии Арабистони Саудӣ, ки  аз 1 январи соли 2022 мавриди амал қарор гирифт,  баргузор гардид.

4 ЯНВАР:

Рӯзи ҷаҳонии алифбои Брайлӣ.

***

Рӯзи ҷаҳонии Нютон.

***

Дар Мянма – Рӯзи истиқлолият.