Вобаста ба иҷрои нишондиҳандаҳои Паёми Президенти Тоҷикистон ба Маҷлиси Олӣ дар корхонаи «Роҳи оҳани Тоҷикистон» ҳамоиш баргузор шуд
ДУШАНБЕ, 10.01.2025 /АМИТ «Ховар»/. Нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» дар ҳамоише, ки дар Корхонаи воҳиди давлатии «Роҳи оҳани Тоҷикистон» баргузор гардид, шарҳу тавзеҳ дода шуданд. Дар ин хусус АМИТ «Ховар» бо истинод ба ин корхона иттилоъ медиҳад.
Дар ҳамоиш роҳбарият ва кормандони масъули Корхонаи воҳиди давлатии «Роҳи оҳани Тоҷикистон» доир ба самтҳои асосии Паёми Президенти Тоҷикистон ба Маҷлиси Олӣ сухан намуданд. Таъкид шуд, ки Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ санади муҳими стратегӣ буда, дар он соҳаҳои афзалиятноки рушди иқтисоди миллии мамлакат дарҷ гардидаанд.
Тавре Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ таъкид намудаанд, «ба давлати транзитӣ табдил додани Тоҷикистон ва истифодаи имконияти транзитии он яке аз ҳадафҳои асосии рушди ҷумҳурӣ пазируфта шудааст».
Дар иртибот ба ин ҳайати кормандони Корхонаи воҳиди давлатии «Роҳи оҳани Тоҷикистон» нуктаҳои асосии Паёми Президенти Ҷумҳурии Тоҷикистон ба Маҷлиси Олиро сармашқи фаъолият қарор дода, таъкид намуданд, ки бо мақсади татбиқи ин санади муҳим, ки дурнамои рушди соҳаҳои иқтисодию иҷтимоии мамлакатро фаро мегирад, барои беҳтар намудани сатҳу сифати хизматрасонӣ ба мусофирон ва боркашонӣ тавассути роҳи оҳан аз тамоми имконияти мусоид самаранок истифода менамоянд.
Дар маҷмуъ гуфта шуд, ки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ масири рушду пешрафти ҷомеаи Тоҷикистони навинро муайян намуда, ҳар фарди ватандӯстро водор менамояд, ки барои рушди соҳаҳои иқтисодиёти мамлакат бо меҳнати содиқона дар раванди бунёдкорию созандагии Тоҷикистон, татбиқи ҳадафҳои стратегии миллӣ- баромадан аз бунбасти коммуникатсионӣ, ноил гардидан ба истиқлолияти энергетикӣ, таъмини амнияти озуқаворӣ ва ба давлати индустриалӣ табдил додани мамлакат саҳми бориз гузоранд. Зеро самти асосии татбиқи ин ҳадафҳои стратегӣ ба таъмини рушди устувори иқтисоди миллӣ ва баланд бардоштани сатҳу сифати зиндагии сокинони мамлакат нигаронида шудааст. Ҳамзамон дар идомаи ҳамоиш фаъолияти Корхонаи воҳиди давлатии «Роҳи оҳани Тоҷикистон» дар соли 2024 натиҷагирӣ гардида, вазифаҳо барои давраҳои минбаъда муайян карда шуданд.
АКС: Корхонаи воҳиди давлатии «Роҳи оҳани Тоҷикистон»
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
