ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон

Январь 4, 2025 14:15

ДУШАНБЕ, 04.01.2025 /АМИТ «Ховар»/. Тавре ҳамагон огоҳӣ дорем, шуруъ аз 1 сентябри соли 2025 маоши вазифавии кормандони муассисаҳои томактабӣ ва таҳсилоти миёнаи умумии соҳаи маориф 30 фоиз зиёд карда мешавад. Ин иқдом бо мақсади боз ҳам беҳтар намудани вазъи иҷтимоии омӯзгорон ва баланд бардоштани мақоми онҳо дар ҷомеа амалӣ мегардад. Ҷавобан ба ин ғамхориҳои Ҳукумат мамлакат, махсусан таваҷҷуҳи махсуси Сарвари давлат муҳтарам Эмомалӣ Раҳмон ба рушди маориф мо, омӯзгорон ва дигар кормандони соҳа вазифадорем, ки дар таълиму тарбияи насли наврас масъулияти дучанд эҳсос намуда, бо меҳнати содиқона ба дастовардҳои беназир ноил гардем. Бо чунин матлаб 2 январ ҷаласаи ҳайати мушовараи Раёсати маорифи вилояти Хатлон ба таври онлайнӣ оғоз гардид.

Тавре АМИТ «Ховар» бо истинод ба Раёсати маорифи вилояти Хатлон хабар медиҳад, қисмати аввали ҷаласа ба шарҳу тавзеҳи Паёми Президенти Тоҷикистон ба Маҷлиси Олӣ аз 28 декабри соли 2024 бахшида шуд. Аз ҷумла таъкид шуд, ки Роҳбари давлат муҳтарам Эмомалӣ Раҳмон пайваста дар масъалаи инкишофи соҳаи маориф таваҷҷуҳи хосса зоҳир намуда, барои фароҳам овардани тамоми шароиту имконоти мавҷуда ҷудо намудани маблағҳои дахлдорро дареғ намедоранд.

«Дар панҷ соли оянда бо истифода аз ҳама сарчашмаҳои маблағгузорӣ ва бо назардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаи таҳсилоти томактабӣ ва беш аз 1000 муассисаи таҳсилоти умумӣ бори дигар аз таваҷҷуҳу ғамхории Сарвари давлат ба ин соҳаи калидиро дарак медиҳад»,-таъкид шуд дар ҷаласа.

Сипас дар ҷаласа вазъи таълиму тарбия, назорати дохилитаълимгоҳӣ, сатҳу сифати таҳсилот ва натиҷагирӣ аз он оид ба ҳамаи фанҳои таълимӣ, коргузорӣ ва фаъолияти муассисаҳои таҳсилоти томактабӣ дар шаҳри Бохтар мавриди баррасӣ қарор гирифт.

Иштирокдорони ҷаласа ҳисоботи масъулинро оид ба иҷрои қарори Ҳукумати Ҷумҳурии Тоҷикистон «Дар бораи Стандарти давлатии таҳсилоти томактабӣ дар Ҷумҳурии Тоҷикистон» дар шаҳру ноҳияҳои Норак, Фархор, Шаҳритус, Носири Хусрав, Қубодиён, Мир Сайид Алии Ҳамадонӣ ва Ёвон шуниданд.

Ҳамчунин ҳолати иҷрои Қонуни Ҷумҳурии Тоҷикистон «Дар бораи таҳсилоти иловагӣ» дар шаҳру ноҳияҳои Кӯлоб, Муъминобод, Ховалинг, Балҷувон, инчунин фаъолияти шуъбаҳои маориф, марказҳои дарёфт ва рушди истеъдодҳо, муассисаҳои таълимии ноҳияҳои Данғара, Восеъ, Мир Сайид Алии Ҳамадонӣ ҷиҳати иҷрои нақшаи чорабиниҳои Раёсати маорифи вилояти Хатлон аз 21 январи соли 2020 дар бораи «Бистсолаи омȳзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (солҳои 2020-2040) дар самти баргузории озмунҳои гуногуни мактабӣ, шаҳрӣ ва ноҳиявӣ аз фанҳои табиатшиносӣ, дақиқ ва риёзӣ мавриди муҳокима қарор гирифтанд.

Дар ҷаласа масъалаҳои иҷрои қарори Ҳукумати Ҷумҳурии Тоҷикистон аз 30 декабри соли 2011 «Дар бораи Консепсияи ташаккули ҳукумати электронӣ дар Ҷумҳурии Тоҷикистон» ва дар ин замина санҷиши фаъолияти марказҳо, вазъи таълими фанни технологияи информатсионӣ, ҳолати синфхонаҳои компютерии мактаб-интернатҳои шаҳру ноҳияҳои вилояти Хатлон ва пайвастшавии онҳо ба шабакаи интернет мавриди таҳлилу омӯзиш қарор дода шуданд.

Ҳамзамон нақшаи кории Раёсати маорифи Мақомоти иҷроияи ҳокимияти давлатии вилояти Хатлон барои нимсолаи якуми соли 2025 тасдиқ гардид. Дар қисмати охири мушовара ҷиҳати дар муҳлатҳои муқарраршуда ислоҳи камбудию норасоиҳои ҷойдоштаи соҳа масъулин вазифадор шуданд.

АКС: Раёсати маорифи вилояти Хатлон

Январь 4, 2025 14:15

Хабарҳои дигари ин бахш

Дар Данғара даври ниҳоии олимпиадаи ҷумҳуриявӣ байни донишҷӯёни муассисаҳои таҳсилоти миёнаи касбӣ доир мешавад
Дар Донишгоҳи техникии Тоҷикистон даври якуми Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи технологии Тоҷикистон Рӯзи дарҳои кушод баргузор шуд
Дар Душанбе таҳти унвони «Саҳми Тоҷикистон дар татбиқи Ҳадафҳои рушди устувор ва дипломатияи «сабз»» конфронси байналмилалӣ баргузор гардид
Фестивал-намоишгоҳи байналмилалии донишгоҳҳои давлатҳои хориҷӣ дар Тоҷикистон расман ифтитоҳ гардид
Масоили рушди ҳамкорӣ дар самти рақамикунонӣ бо намояндагони Иттиҳоди Аврупо баррасӣ шуд
Омӯзгорони Донишгоҳи давлатии молия ва иқтисоди Тоҷикистон дар Чин табодули таҷриба менамоянд
Масъалаи омодагӣ ба Форуми навбатии ректорони донишгоҳҳои Тоҷикистон ва Узбекистон баррасӣ шуд
Бахшида ба Рӯзи илми тоҷик доир ба дурнамои иқтисоди рақамӣ ва инноватсия конфронси байналмилалӣ баргузор шуд
Дар Донишгоҳи технологии Тоҷикистон оид ба оила ва маърифати ҳуқуқии оиладорӣ ҳамоиш доир гардид
Ҷаласаи якуми ҳайати Комиссияи Озмуни ҷумҳуриявии «Илм – фурӯғи маърифат» дар соли 2025 баргузор гардид
Дар ҳошияи имзои Эъломияи Хуҷанд оид ба дӯстии абадӣ ҳамоиши сиёсӣ-фарҳангӣ баргузор шуд