Ҷашни Наврӯз дар Вазорати саноат ва технологияҳои нав бо намоиши дастовардҳои истеҳсолӣ, ихтироот ва инноватсия таҷлил шуд
ДУШАНБЕ, 22.03.2025. /АМИТ «Ховар»/. Бостоншиносону таърихдонон бо далелҳои қотеи илмӣ собит намудаанд, ки Наврӯз тарихи беш аз шашҳазорсола дошта, ҷашни оғози баҳору эҳёи табиат, кишту кори деҳқон, мавсими кори чорводорон, ҷашни на танҳо инсон, балки ҳама мавҷудоти олам аст. Ин нуктаро Вазири саноат ва технологияҳои нави Ҷумҳурии Тоҷикистон Шералӣ Кабир дар базме, ки ба ифтихори Ҷашни байналмилалии Наврӯз дар ин вазорат баргузор гардид, иброз дошт.
Ба АМИТ «Ховар» аз Вазорати саноат ва технологияҳои нави ҷумҳурӣ иттилоъ доданд, ки дар ҷашни Наврӯзи ҷаҳонӣ суфраи наврӯзӣ, дастовардҳои илмӣ, истеҳсолӣ, тарроҳии муосир дар бахши либоси миллӣ, ихтирооти инноватсионии донишҷӯёни Донишгоҳи технологии Тоҷикистон ба маърази тамошо гузошта шуданд.
Пешвои миллат муҳтарам Эмомалӣ Раҳмон иброз доштаанд, ки «далели асосии умри тӯлонӣ доштани Наврӯз табиӣ будани он аст. Зеро маҳз дар арафаи Наврӯз табиат эҳё шуда, замин қабои сабз ба бар менамояд, марди деҳқон ба кишти баҳорӣ оғоз мекунад ва бо умеду нияти ба даст овардани ҳосили фаровон ба замин дона кишт менамояд».
Мардум бо дилу нияти пок ва шукргузорӣ аз давлати ободу озод барои ободию шукуфоии Тоҷикистони соҳибистиқлол содиқона заҳмат мекашанд.
Вазири саноат ва технологияҳои мамлакат афзуд, ки соҳаи саноат яке аз самтҳои стратегии Ҳукумати Тоҷикистон ба ҳисоб рафта, ҷиҳати таъмини аҳолӣ бо маҳсулоти хушсифати ватанӣ ва муҳайё намудани ҷойи кор солҳои охир нишондиҳандаҳои бештарро соҳиб гардид. Бо ин нигоҳ накарда, бояд ҳар нафар корманди ин самт барои расидан ба ҳадафҳои гузоштаи Ҳукумати малакат бобати расидан ба зиндагии шоиста тамоми имконият ва неруи зеҳниро равон намояд.
АКС: Вазорати саноат ва технологияҳои нави Ҷумҳурии Тоҷикистон
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
