Тоҷикистон ва Иттиҳоди Аврупо шарикиро дар самти рушди нерӯи сабз тақвият мебахшанд

ДУШАНБЕ, 15.03.2025 /НИАТ «Ховар»/. Вазъи феълии шарикии гуногунсоҳаи Душанбе ва Брюссел дар соҳаҳои афзалиятнок, аз ҷумла дар самти рушди нерӯи сабз, таҳкими иттисоди нақлиётӣ дар мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо комиссари Иттиҳоди Аврупо оид ба шарикии байналмилалӣ Йозеф Сикела дар Душанбе баррасӣ гардид.

АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, ки мусоҳибон масъалаҳои марбут ба рушди низоми маорифу тандурустӣ, рақамикунонӣ, амният ва дигар мавзуоти мавриди эҳтимоми тарафайн, инчунин бобати ҳадаф ва нақшаҳои баъдӣ ҷиҳати тавсеаи робитаҳои дуҷонибаю байниминтақавӣ табодули афкор намуданд.

Аҳамият ва зарурати вусъати шарикии амалии Тоҷикистону Иттиҳоди Аврупо дар соҳаи гидроэнергетика, ки яке аз самтҳои муҳимтарину ояндадори ҳамкории дуҷониба арзёбӣ мегардад, таъкид шуд.

АКС: Вазорати корҳои хориҷии Ҷумҳурии Тоҷикистон