Вобаста ба мақом ва саҳми занон дар омӯзиш ва ҳифзи пиряхҳо конференсия баргузор шуд
ДУШАНБЕ, 21.03.2025 /АМИТ «Ховар»/. 21 март Рӯзи байналмилалии ҳифзи пиряхҳо эълон шудааст, ки имсол бори аввал гузаронида мешавад.
14 декабри соли 2022 Маҷмаи умумии Созмони Милали Муттаҳид қатъномае қабул намуд, ки тибқи он соли 2025 ҳамчун Соли байналмилалии ҳифзи пиряхҳо ва 21 март Рӯзи байналмилалии ҳифзи пиряхҳо, ки аз ҷониби Тоҷикистон пешниҳод гардидаанд, эълон шуданд.
Бахшида ба ин сана 18 март дар Донишгоҳи техникии Тоҷикистон ба номи академик Муҳаммад Осимӣ бо ташаббуси Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе дар мавзуи «Мақом ва саҳми занон дар омӯзиш ва ҳифзи пиряхҳо» конференсияи илмӣ-назариявӣ баргузор шуд.
Тавре АМИТ «Ховар» бо истинод ба ин донишгоҳ хабар медиҳад, ҳадаф аз баргузории конференсия муайян намудани чолишҳои нав ва имконоти ҳифзи пиряхҳо аз ҷониби қишри ояндасози ҷомеа дар баробари мардҳо, бахусус занон мебошад.
Ректори Донишгоҳи техникии Тоҷикистон Қудрат Давлатзода иброз дошт, ки тағйирёбии босуръати иқлим ва афзоиши аҳолии сайёра дар назди инсоният масъалаҳои наве мегузорад, ки ҳалли оқилонаи онҳо боиси паст шудани шиддати таъсири тағйирёбии иқлим ва баланд бардоштани сатҳи зиндагонии аҳолӣ мегардад. Давоми даҳсолаҳои охир коҳиш ёфтани ҳаҷми пиряхҳо дар мавзеи сароби дарёҳои асосӣ, ки бар асари тағйирёбии глобалии иқлим ба вуқуъ пайвастааст, дар минтақаи мо боиси нигаронии ҷиддӣ мегардад.
Вобаста ба ин ҳолат Президенти Тоҷикистон пешниҳод намуданд, ки барои тамаркуз кардан ба ин масъала дар сатҳи байналмилалӣ соли 2025 Соли байналмилалии ҳифзи пиряхҳо эълон гардида, ҳамчунин Рӯзи байналмилалии ҳифзи пиряхҳо муайян карда шавад ва Бунёди махсуси байналмилалии ҳифзи пиряхҳо таъсис ёбад. Ниҳоят 14 декабри соли 2022 Маҷмаи умумии Созмони Милали Муттаҳид зимни иҷлосияи 77-ум қатъномае қабул намуд, ки тибқи он пешниҳоди ҷониби Тоҷикистон оид ба эълони соли 2025 Соли байналмилалии ҳифзи пиряхҳо бо иттифоқи оро ҷонибдорони худро пайдо намуд.
Дар конференсия мутахассисону коршиносон доир ба мавзуи баррасишаванда сухан гуфтанд. Гуфта шуд, ки тибқи иттилои расонаҳои мухталиф, дар ин муддат масоҳати пиряхҳои Тоҷикистон қариб 35 фисад кам шудааст. Таъкид гардид, ки бо назардошти фоҷиаи воқеии баҳри Арал мо набояд ба нобудшавии пиряхҳо, ки манбаи асосии ҳаёт дар Осиёи Марказӣ мебошанд, роҳ диҳем.
АКС: Донишгоҳи техникии Тоҷикистон ба номи академик Муҳаммад Осимӣ
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
