Аз Ҳисор 58 нафар ба даври минтақавии озмуни «Тоҷикистон-Ватани азизи ман» роҳхат гирифтанд
ДУШАНБЕ, 16.04.2025 /АМИТ «Ховар»/. Дар даври шаҳрии Озмуни ҷумҳуриявии «Тоҷикистон-Ватани азизи ман» аз шаҳри Ҳисор 41 нафари аз 12 то 17-сола ва 17 нафари аз 18 то 35-сола — дар маҷмуъ 58 нафар ба даври минтақавии озмун роҳхат гирифтанд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Дар даври якуми интихобии озмун дар шаҳри Ҳисор аз ҷамоатҳо, муассисаву ташкилот аз рӯи номинатсияҳо 1340 нафар иштирок карда, 173 нафар ба даври шаҳрӣ роҳ ёфт.
Соли ҳафтум аст, ки таҳти сарпарастии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади муаррифии фарҳанги волои миллати тоҷик, эҳёи санъати миллӣ ва тарғиби он, арҷгузорӣ ба санъату ҳунари аҷдодӣ, баланд бардоштани сатҳи касбии санъати мусиқӣ, навозандагӣ, сарояндагӣ, маҳорати касбии ҳунари мусаввирӣ, ҳайкалтарошӣ, ороишгарӣ ва либосдӯзӣ, интихоби намунаҳои беҳтарини оҳангу суруд ва асарҳои рассомӣ озмуни ҷумҳуриявии «Тоҷикистон-Ватани азизи ман» баргузор мегардад.
Соли 2025 бо дастури Пешвои миллат ҳаҷми маблағи мукофот барои ғолибони озмун ду баробар зиёд гардида, бо ин мақсад аз Фонди захиравии Президенти Ҷумҳурии Тоҷикистон 7 680 000 (ҳафт миллиону шашсаду ҳаштод ҳазор) сомонӣ ҷудо карда шудааст. Тибқи он, имсол барандагони Шоҳҷоиза бо 100 ҳазор сомонӣ, ғолибони ҷойҳои якум, дуюм ва сеюм мутаносибан бо 70 ҳазор, 50 ҳазор ва 30 ҳазор сомонӣ мукофотонида мешаванд.
АКС: Мақомоти иҷроияи ҳокимияти давлатии шаҳри Ҳисор
«НИДОИ ЛОЗУР». Иштирокдорони Конфронси байналмилалии сатҳи баланд оид ба ҳифзи пиряхҳо бо ҳунарҳои миллии тоҷикон шинос шуданд
Дар Душанбе форум оид ба Даҳсолаи амал дар самти илмҳои криосфера оғоз гардид
Форуми минтақавӣ оид ба мониторинги пиряхҳо ва криосфера дар Осиёи Марказӣ ба таҳияи сиёсати муштараки мутобиқшавӣ ба тағйирёбии иқлим мусоидат менамояд
«КӮДАКОН-ҒУНЧАҲОИ БОҒИ ИСТИҚЛОЛ». Дар Осорхонаи миллӣ барномаи фарҳангӣ-фароғатӣ гузаронида шуд
Дар Душанбе Форуми минтақавӣ оид ба мониторинги пиряхҳо ва криосфера дар Осиёи Марказӣ оғоз ёфт
Дар Душанбе оид ба Даҳсолаи амал дар самти илмҳои криосфера форум доир мегардад
Барои иштирокдорони Конфронси байналмилалии сатҳи баланд оид ба ҳифзи пиряхҳо барномаи фарҳангӣ доир карда мешавад
Намояндаи Тоҷикистон дар Форуми байналмилалӣ оид ба мероси маънавӣ ва шаклҳои баёни фарҳанги ҷаҳони Ислом иштирок намуд
Оид ба ҳифзи пиряхҳо ҳамоиши байналмилалӣ баргузор шуд
Ба бузургдошти олими бузурги тоҷик Абумансури Мотуридӣ конфронси ҷумҳуриявӣ доир шуд
«САДРИДДИН АЙНӢ ВА ИНҚИЛОБИ МАДАНӢ». Ин таҳлил даъват ба ҳушёрӣ ва талош барои ҳифзи дастовардҳои маънавӣ аст
Доир ба нақши Ибни Сино дар ташаккул ва рушди илми тиб ҳамоиш баргузор шуд
