Бо мақсади ҳифзи муҳити зист дар мавзеи «Кӯли ҷавонон» ҳашари дастҷамъона гузаронида шуд
ДУШАНБЕ, 16.04.2025 /АМИТ «Ховар»/. Бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон ва иштироки фаъолонаи сокинони маҳал, аз ҷумла шуъбаи ҳифзи муҳити зист дар ноҳияи Варзоб дар мавзеи «Кӯли Душанбе», воқеъ дар шафати шоҳроҳи Душанбе-Варзоб ҳашари дастҷамъонаи нарм кардани бехи ниҳолҳои дарахтон гузаронида шуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Ҳадафи асосии ин иқдом — нигоҳубини ниҳолҳои шинонида ва беҳтар кардани шароити сабзишу нашъунамои онҳо мебошад. Зимни ҳашари дастҷамъона бехи ниҳолҳо нарм карда шуда, нуриҳои маъданӣ пошида шуданд, ки ба таъмини беҳтари об ва ғизо ба решаҳои ниҳоли дарахтон ва нашъунамои онҳо мусоидат менамояд.
Чунин ташаббусҳо дар самти ободонӣ ва сабзгардонии муҳити зист дар доираи татбиқи Барномаи давлатии кабудизоркунӣ ба раванди пешгирӣ аз меъёри бесобиқаи гармшавии иқлим мусоидат менамояд.
Ҳашарҳои экологии ҷамъиятӣ минбаъд низ дар мавзеъҳои дигари ҷумҳурӣ идома меёбанд, то барои насли имрӯзу фардо муҳити зисти тозаю солим таъмин карда шавад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
