Дар Донишгоҳи технологии Тоҷикистон Рӯзи дарҳои кушод баргузор шуд
ДУШАНБЕ, 16.04.2025 /АМИТ «Ховар»/. Зиёда аз 45 муассисаи таҳсилоти миёнаи умумӣ бо теъдоди 1760 хатмкунанда дар Рӯзи дарҳои кушод, ки дар Донишгоҳи технологии Тоҷикистон бо мақсади бештар ҷалб намудани довталабон баргузор шуд, фаъолона иштирок намуданд, хабар медиҳад АМИТ «Ховар» бо истинод ба ин донишгоҳ.
Ректори Донишгоҳи технологӣ Зоир Раҳмонзода роҷеъ ба имконияти донишгоҳ, дастовардҳои илмӣ-инноватсионии он, шароити таҳсил, хобгоҳи замонавӣ, мавҷудияти озмоишгоҳҳои тахассусӣ, марказҳои инноватсионӣ, технопарки «Фановар», IT-Park, имконоти идомаи таҳсил дар хориҷи ҷумҳурӣ, ҳамкории донишгоҳ бо корхонаҳои бонуфузи мамлакат, тақсимоти хатмкунандагони донишгоҳ бо ҷойи кор ва имконияти рушди касбии ояндаи онҳо сухан намуд.
Иброз гардид, ки Донишгоҳи технологии Тоҷикистон соли 1990 таъсис ёфта, давоми фаъолият барои соҳаҳои гуногуни хоҷагии халқи ҷумҳурӣ зиёда аз 18 ҳазор мутахассиси рақобатпазир тайёр намудааст. Ҳоло онҳо дар соҳаҳои калидии иқтисодиёти мамлакат фаъолият менамоянд.
Донишгоҳ барои ташкили босамари ҷараёни таълим ва дар сатҳи талаботи стандартҳои байналмилалӣ тайёр намудани мутахассисон дорои иқтидори баланди илмӣ–педагогӣ ва пойгоҳи васеи моддию техникӣ мебошад.
Зоир Раҳмонзода иброз дошт, ки донишҷӯён дар марказҳои омӯзиши ҳунарҳои мардумӣ ва дизайн иштирок намуда, маҳорати касбияшонро метавонанд тавсеа диҳанд ва нозукиҳои дӯхтани сарулибос, зардӯзӣ, расмкашию нақшбандӣ дар арғумонҳоро азхуд намояд. Инчунин дар донишгоҳ аз рӯйи 30 ихтисос машғулияти кӯтоҳмуддати таълимӣ-сертификатсионӣ амал менамоянд.
Таъкид шуд, ки ҳамкории байналмилалии донишгоҳ васеъ буда, бо 140 таълимгоҳи олии хориҷи мамлакат ҳамкорӣ дорад. Мутахассисон аз хориҷи ҷумҳурӣ даъват карда шуда, аз фанҳои тахассусӣ ба донишҷуён дарс медиҳанд. Ҳар сол дар доираи барномаҳои байналмилалии ЭРАСМУС+, GIZ донишгоҳ соҳиби чандин грантҳо мегардад, ки онҳо ба кормандон ва донишҷӯён барои дар хориҷи ҷумҳурӣ таҳсил ва таҷрибаомӯзӣ намудан имконияти васеъ фароҳам меоранд. Дар назди донишгоҳ фаъолият намудани Маркази муштараки Тоҷикистону Кореяи Ҷанубӣ оид ба технологияҳои иттилоотию коммуникатсионӣ имконият медиҳад, ки донишҷӯён зеҳни сунъӣ ва забонҳои муосири барномасозиро азхуд намуда, тарзи барномарезии кори роботҳо ва савораҳои беодамро азхуд намоянд. Дар ин марказ се устоди варзида аз Кореяи Ҷанубӣ дарс меомӯзонанд. Донишгоҳ аз рӯйи 53 ихтисос дар зинаи бакалавр мутахассис тайёр мекунад.
Ҳамчунин иброз гардид, ки шуруъ аз соли таҳсили 2022-2023 дар донишгоҳ ихтисоси нав – зеҳни сунъӣ таъсис дода шудааст, ки мутахассисонро мутобиқи талаботи стандартҳои байналмилалӣ бо ҷалби мутахассисон аз Кореяи Ҷанубӣ омода менамояд.
Хатмкунандагони муассисаҳо бо факултетҳо, озмоишгоҳҳо ва марказҳои инноватсионии донишгоҳ шинос шуданд.
АКС: Донишгоҳи технологии Тоҷикистон













Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»






