ТАҚВИМИ АМИТ «ХОВАР»: имрӯз 14 октябр, сешанбе, 287-умин рӯзи соли 2025 аст

14 октябри соли 2003 дар Душанбе бозиҳои V Осиёи Марказӣ оғоз гардиданд, ки дар онҳо беш аз 700 нафар варзишгарон аз давлатҳои минтақа иштирок намуданд.

***

14 октябри соли 2011 дар шаҳри Душанбе Маҷмааи варзишии Хадамоти алоқа ба истифода дода шуд.

***

13 сол пеш, 14 октябри соли 2012 Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар вохӯрии сарони давлатҳои аъзои Созмони ҳамкории иқтисодӣ ба Ҷумҳурии Озарбойҷон сафар намуданд.

***

14 октябри соли 2015 дар Маҷмааи давлатии «Кохи Борбад» бо иштироки Президенти Ҷумҳурии Тоҷикистон муҳтарам Эмомалӣ Раҳмон дар доираи таҷлили Рӯзи соҳибкорон таҳти унвони «Саҳми соҳибкорӣ ва сармоягузорӣ дар рушди устувор» Форуми байналмилалии соҳибкорӣ баргузор гардид.

***

Соли 2015 дар маҷмааи давлатии «Кохи Борбад» -и шаҳри  Душанбе Намоишгоҳи сеюми байналмилалии кишоварзӣ, маҳсулоти хӯрокворӣ ва бандубастшуда — Agrofood-2015 баргузор гардид.

***

Дар ин рӯзи соли 2016 дар шаҳри Еревани Ҷумҳурии Арманистон Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи Шурои амнияти дастҷамъии Созмони Аҳдномаи амнияти дастҷамъӣ иштирок ва суханронӣ намуданд.

***

14 октябри соли 2019 Пешвои миллат муҳтарам Эмомалӣ Раҳмон дар мулоқот бо кормандони соҳаи саноати мамлакат суханронӣ намуданд.

***

14 октябри соли 2020 Президенти Ҷумҳурии Тоҷикистон муҳтарам Эмомалӣ Раҳмон бо ҷараёни корҳои сохтмонӣ дар иншооти обқабулкунаки доимии Неругоҳи барқи обии «Роғун» шинос шуданд.

***

14 октябри соли 2021 дар шаҳри Парижи Ҷумҳурии Фаронса  Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи Рӯзҳои фарҳанги Тоҷикистон дар ЮНЕСКО иштирок ва суханронӣ намуданд.

***

14 октябри соли 2022 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Остона дар ҳошияи ҷаласаи Шурои сарони кишварҳои аъзои Иттиҳоди Давлатҳои Мустақил ва Ҳамоиши «Осиёи Марказӣ ва Федератсияи Русия» бо Президенти Ҷумҳурии Узбекистон муҳтарам Шавкат Мирзиёев мулоқот намуданд.

***

Дар ин рӯзи соли 2024 дар шаҳри Урумчии Ноҳияи худмухтори Синзян Уйғур /шимолу ғарб/-и Чин Саммити 6-уми ҷаҳонии воситаҳои ахбори омма доир гардид, ки дар кори он директори Агентии миллии иттилоотии Тоҷикистон (АМИТ) «Ховар» Субҳиддин Шамсиддинзода иштирок намуд.

14 ОКТЯБР:

Дар Тоҷикистон- Рӯзи соҳибкорон.

***

Рӯзи ҷаҳонии стандартикунонӣ.

***

Дар Беларус — Рӯзи Модар.

***

Дар Русия — Рӯзи кормандони мамнуъгоҳҳо.