Файзалӣ Идизода бо Элза Пинёл густариши робитаҳои байнипарлумонии Тоҷикистону Фаронсаро баррасӣ намуд

ДУШАНБЕ, 18.11.2025 /АМИТ «Ховар»/. 18 ноябр Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Сафири Фавқулодда ва Мухтори Ҷумҳурии Фаронса дар Ҷумҳурии Тоҷикистон  Элза Пинёл мулоқот намуд, ки зимни он ҷонибҳо густариши робитаҳои байнипарлумониро мавриди баррасӣ қарор доданд. Дар ин хусус ба АМИТ «Ховар» аз Маҷлиси намояндагон хабар доданд.

Файзалӣ Идизода изҳор намуд, ки аз лаҳзаи ба даст овардани Истиқлолияти давлатии Тоҷикистон, Фаронса аз ҷумлаи аввалин давлатҳои абарқудрат буд, ки истиқлолияти моро эътироф намуд. Аз замони барқарор гардидани муносибатҳои дипломатӣ  байни  кишварҳои мо  (соли 1992) то имрӯз  равобити дуҷониба тадриҷан густариш меёбанд.

Иброз гардид, ки ҳамкории дуҷонибаи Тоҷикистону  Фаронса бар асоси 30 созишномаи байналмилалӣ бунёд ёфтаанд, ки ба самаранокии талошҳои дипломатии ҷонибҳо мусоидат менамояд.

Дар вохӯрӣ изҳори итминон гардид, ки ҳамкории байнипарламентӣ  минбаъд низ рушд хоҳанд ёфт.

АКС: Маҷлиси намояндагони Маҷлиси Олии Ҷумҳурии Тоҷикистон