ТАҚВИМИ АМИТ «ХОВАР»: имрӯз 23 январ, ҷумъа, 23-юмин рӯзи соли 2026 аст

23 январи соли 2015 Президенти Ҷумҳурии Тоҷикистон муҳтарам Эмомалӣ Раҳмон Паём ба Маҷлиси Олии Ҷумҳурии Тоҷикистон пешниҳод намуданд. Дар он вазъи кунунии ҷомеаи Тоҷикистонро мавриди таҳлилу баррасӣ қарор дода,  самтҳои асосии сиёсати дохилию хориҷии давлатро барои соли 2015 муайян намуданд.

***

23 январи соли 2025 Президенти Ҷумҳурии Тоҷикистон муҳтарам Эмомалӣ Раҳмон таъйиноти кадрӣ ба амал оварданд.

***

18 сол пеш, 23 январи соли 2008 дар шаҳри Душанбе масоил вобаста ба ҳамроҳшавии Тоҷикистон ба Созмони ҷаҳонии савдо баррасӣ карда шуд.

***

Дар ин рӯзи соли 2014 дар шаҳри Душанбе ҷаласаи 12-уми Комиссияи байниҳукуматии Тоҷикистону Русия оид ба масоили ҳамкории иқтисодию тиҷоратӣ баргузор гардид.

23 ЯНВАР:

Дар ҷаҳон — Рӯзи дастхат (ва ё рӯзи мактуби дастнавис).

РӮЙДОДҲО:

15 сол пеш аз ин, 23 январи соли 2011 дар шаҳри Исломобод масоили ҳамкории Тоҷикистону Покистон баррасӣ карда шуд.

***

Дар ин рӯзи соли 2017 дар шаҳри Душанбе дар майдончаи сунъии назди Варзишгоҳи марказии ҷумҳуриявӣ даври финалии лоиҳаи «Футбол ба назди шумо меояд!» оғоз гардид, ки 29 январ ба анҷом расид.

***

8 сол пеш, 23 январи соли 2018 дар пойтахти Тоҷикистон – шаҳри Душанбе Фестивали санъати кӯдаконаи «Ҳафтранг» доир гардид.