ДАР ЛОНДОН МУҶАССАМАИ ЁДГОРИИ ЖУРНАЛИСТОНИ ҲАЛОКШУДА КУШОДА ШУД

Мувофиқи маълумоти СММ, танҳо соли 2007 дар саросари ҷаҳон 177 журналист ба ҳалокат расидааст. Хусусан шумораи хеле зиёди намояндагони воситаҳои ахбори оммавӣ дар Ироқ ҳадафи ҳамла қарор гирифтанд ё ба ҳалокат расиданд. Солҳои охир ҳуҷум ба кормандони воситаҳои ахбори оммавӣ воқеаи муқаррарӣ гардидааст. Онҳо зимни иҷрои вазифаи касбии худ, хусусан зимни инъикоси амалиёти ҷангӣ, муноқишаҳо ё фалокатҳои табиӣ ҳаёти худро зери хатар мегузоранд. Дар аксари мавридҳо хабарнигорон барои маводи чопкардаашон ҳадафи ҳуҷум қарор дода мешаванд. Мухбири АМИТ «Ховар» зикр менамояд, ки дар Тоҷикистон солҳои ҷанги дохилӣ бештар аз 70 журналист ҳалок шуд.