ФУТБОЛБОЗОНИ ТОҶИК БА МАЛАЙЗИЯ РАФТАНД

Душанбе, 20 июн. (АМИТ «Ховар», Пайрав Назаров).- Дастаи футболи «Регар — Тадаз» — и шаҳри Турсунзода барои иштирок дар мусобиқа барои ба даст овардани Ҷоми раиси Конфедератсияи футболи Осиё ба пойтахти Малайзия — Куала — Лумпур рафт. Мусобиқа аз 22 то 26 июн давом мекунад. Мухбири АМИТ «Ховар» хабар медиҳад, ки футболбозони тоҷик 22 июн бо футболбозони дастаи Вапдаи Покистон қувваозмоӣ мекунанд. Қувваозмоии футболбо-зони мо бо дастаи «Полис клаб» — и Непал 24 июн баргузор мегардад. Қувваозмоии футболбозони тоҷик бо дастаи «Обохонӣ» — и Бангладеш ба рӯзи 26 июн таъин шудааст. Дастаҳое, ки дар се гурӯҳ ҷойи аввалро ишғол мекунанд, инчу-нин дастаҳои беҳтарине, ки ҷойи дуюмро ишғол кардаанд, ба қувваозмоии ниманиҳоӣ роҳхат мегиранд. Қуръапартоии қувваозмоиҳои ниманиҳоӣ 30 июн дар қароргоҳи марказии Конфедератсияи футболи Осиё баргузор мегардад. Қувваозмоиҳои хотимавии мусобиқаи мазкур аз 19 то 21 сентябр дар Бишкек гу-заронида мешаванд.