ҚУВВАОЗМОИҲОИ НАВБАТИИ ДАСТАҲОИ ФУТБОЛИ ЛИГАИ ОЛӢ

Душанбе, 8 июл. (АМИТ «Ховар», Пайрав Назаров). -Қувваозмоиҳои навбатии мусобиқоти қаҳрамонии дастаҳои футболи лигаи олии мамлакат баргузор мегарданд. Мухбири АМИТ «Ховар» хабар медиҳад, ки имрӯз дастаҳои «Равшан» — и Кӯлоб бо дастаи «Регар – Тадаз», дастаи «Вахш» бо дастаи «Гвардия» қувваозмоӣ мекунанд. 8 июл қувваозмоии дастаҳои ЦСКА «Помир» бо дастаи «Парвоз» — и ноҳияи Бобоҷон Ғафуров ва дастаи «Энергетик» бо дастаи «Хуҷанд» ва 9 июл қувваозмоии дастаи «Динамо» — и шаҳри Душанбе бо дастаи «Равшан» ба нақша гирифта шудаанд. Аз рӯи натиҷаи қувваозмоиҳои гузашта дар байни бозингарони дастаҳои футболи лигаи олӣ узви дастаи «Парвоз» Нӯъмонҷон Ҳакимов ҷойи аввалро ишғол менамояд, ки ба дарвозаи ҳарифон 13 тӯб задааст. Ҷойи дуюмро узви дастаи «Энергетик» Сӯҳроб Ҳамидов бо 11 тӯб ишғол мекунад.