БА КӮДАКОН ПЕШГИРӢ АЗ ҲОЛАТҲОИ ФАВҚУЛОДДАРО ОМӮЗОНИДАНД

Аз Вазорти тандурустии ҷумҳурӣ ба АМИТ «Ховар» иттилоъ доданд, ки омӯзиши мазкур дар деҳаи ба номи Нусратулло Махсуми ноҳияи Рашт баргузор гардид, ки дар он кӯдакони то синни ҳаштсола аз деҳаҳои гирду атроф иштирок намуданд. Ба онҳо усулҳои наҷотёбӣ ва дастгирии равонӣ ҳангоми ҳолатҳои фавқулодда омӯзонида шуд. Дар баробари омӯзиш, ҳамзамон дар беморхонаи ноҳияи Рашт дорувориву лавозимоти зист барои кӯдакон дар ҳолатҳои зарурӣ омода карда шудааст. Тазаккур додан ба маврид аст, ки чунин омӯзишҳо дар ноҳияҳои Исфара, Бобоҷон Ғафуров, Ҷалолиддини Румӣ, Бохтар, Ваҳдат, Рӯдакӣ ва шаҳри Душанбе баргузор гардидаанд ва оянда дар дигар минтақаҳои кишвар ба нақша гирифта шудааст.