МУЛОКОТИ ЭМОМАЛ&

Президенти Ҷумҳурии Тоҷикистон Эмомалӣ Раҳмон Раиси Бонки содироту воридоти Ҷумҳурии Мардумии Чин Ли Жуогуро ба ҳузур пазируфт.Дар вохўрӣ масоили ҳамкории Тоҷикистон бо ин бонки бонуфузи Ҷумҳурии Мардумии Чин баррасӣ шуд.Сарвари давлати Тоҷикистон Эмомалӣ Раҳмон ба роҳбарияти давлати Чин барои дастгирии намоён аз рушди иҷтимоию иқтисодии кишвари мо арзи сипос намуда, нақши Бонки содироту воридотро дар татбиқи ҳамкориҳои иқтисодии ду кишвари ҳамсоя муҳим арзёбӣ намуд. Таъкид гардид, ки сармоягузории се лоиҳаи бузурги инвеститсионии Тоҷикистон- сохтмони хатҳои баландшиддати интиқоли нерўи барқи Ҷануб-Шимол, Лолазор-Хатлон ва азнавсозии роҳи мошингарди Душанбе-Хуҷанд-Чанок бо нақби Шаҳристон ва иншооти зиддитармавӣ маҳз аз ҷониби ҳамин бонк сурат мегирад.Ли Жуогу изҳор дошт, ки Бонки содироту воридоти Ҷумҳурии Мардумии Чин минбаъд низ ҳамкории пурсамари худро бо Тоҷикистон идома ва густариш медиҳад. «Мо омодаем дар сармоягузории сохтмони нерўгоҳҳои обии барқӣ, истихроҷ ва истифодаи васеъи захираҳои фаровони ангишт ва дигар канданиҳои фоиданок, сохтмон ва азнавсозии роҳҳо ва бисёр дигар лоиҳаҳои стратегии Тоҷикистон, ки дорои аҳамияти бузурги минтақавӣ мебошанд, иштироки фаъол дошта бошем», — таъкид намуд Раиси Бонки содироту воридоти Ҷумҳурии Мардумии Чин.Ҳарду ҷониб изҳори боварӣ намуданд, ки сафари давлатии Раиси Ҷумҳурии Мардумии Чин Ху Тсзинтао ба Ҷумҳурии Тоҷикистон, ки пагоҳ оѓоз меёбад ва ба имзо расидани санадҳои нави ҳамкорӣ ба рушди муносибатҳои бисёрсоҳаи ду кишвар такони ҷиддӣ мебахшад.