ҚОНУНӢ ГАРДОНДАНИ ДАРОМАДИ ХАРИДУ ФУРӮШИ МАВОДИ НАШЪАДОР
Душанбе, 25 август. (АМИТ «Ховар», Таҳмина Ғоибназарова). – Дирӯз дар маркази матбуоти Иттифоқи журналистони Тоҷикистон маросими шиносоӣ бо маҷмӯи ҳуҷҷатҳои «Афғонистон ва Созмони ҳамкории Шанхай гарави таъмини амният ва сиёсати геополитикӣ дар Осиёи Марказӣ» конфронс баргузор гардид. Онро Бунёди ҷамъиятии профессори кафедраи сиёсатшиносоӣ ва журналистикаи байналхалқии Донишгоҳи славянии Қирғизистону Русия Александр Князев баргузор намуд. Дар ҷараёни конфронс масъалаҳои марбут ба нақш ва саҳми Созмони ҳамкории Шанхай дар ҳалли проблемаҳои имрӯзаи Афғонистон муҳокима шуданд. Иштирокчиёни конфронс А. Князев, доктори илми иқтисод А.Мигранян ва номзади илми таърих К.Абдуллоев дар бораи конфронси байналхалқии дар ҳамин мавзӯъ дар Қирғизистон баргузор гардида сухан ронданд. А.Князев зикр кард, ки бӯҳрони Афғонистон мисли пештара яке аз проблемаҳои ҷиддитарини сиёсати имрӯзаи байналхалқӣ ба шумор меравад. Дар Афғонистон баъди оғози амалиёти зиддитеррористии ИМА амалиёти террористӣ авҷ гирифта, истеҳсоли маводи нашъадор чандин баробар афзуд. Ин на танҳо ба амнияти худи Афғонистон, балки ба амнияти мамлакатҳои ҳамсоя хавфи ҷиддӣ дорад. Проблемаҳои Афғонистонро бо роҳи истифодаи зӯрӣ ва ҷанг ҳал кардан мумкин нест. Барои ин роҳи гуфтушунидро пеш гирифтан зарур аст, ки дар он бояд тамоми сохторҳои давлатӣ, ҳизбҳои сиёсӣ ва қавму қабилаҳои мамлакат иштирок намоянд. Созмони ҳамкории Шанхай кафолати ба роҳ мондани гуфтушунид ва муколамаро дар дохили Афғонистон ба зимма гирифта метавонад, гуфт А.Князев. Дар конфронс проблемаҳои вобаста ба иқтисодиёти Афғонистон низ муҳокима шуданд. Қайд карда шуд, ки бо роҳи қонунӣ гардонидани даромади хариду фурӯши маводи нашъадор бисёр проблемаҳои иқтисодии Афғонистонро ҳал кардан мумкин аст.
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
