ДАР БОЗИҲОИ ОЛИМПӢ НАМОЯНДАГОНИ 43 МАМЛАКАТ СОҲИБИ МЕДАЛ ГАРДИДАНД

Душанбе, 18 август. (АМИТ «Ховар», Пайрав Назаров).- То 14 август дар ҷараёни мусобиқаҳои Бозиҳои олимпӣ дар Пекин аз 205 дастаи иштирокчӣ 43 дастаи мунтахаб медалҳои гуногун ба даст овард.Дастаи мунтахаби миллии Тоҷикистон низ ба ҳамин гурӯҳ шомил аст. Мухбири АМИТ «Ховар» хабар медиҳад, ки варзишгарони Чин дар байни мамлакатҳои дигар аз ҳама зиёд медал ба даст оварданд. Онҳо то имрӯз соҳиби 22 медали тилло гардидаанд. Дар ҷойи дуюм дастаи мунтахаби ИМА қарор дорад. Варзиш-гарони амрикоӣ то 14 август 13 медали тилло гирифтанд. Дастаи мунтахаби Олмон бо 8 медали тилло ҷои сеюмро ишғол мекунад. Хабар дода мешавад, ки варзишгарони Чин танҳо рӯзи 14 август соҳиби панҷ медали тилло гардиданд. Иштирокчиёни бозиҳои олимпӣ барои ба даст овардани 16 даста медал мубориза мебаранд.