ДАР МАЙДОНИ ҲАВОИИ ХУҶАНД АЗ ДОХИЛИ ДОНАҲОИ ЗАРДОЛУИ ХУШК МАВОДИ НАШЪАДОР ЁФТ ШУД

Аз маркази матбуоти Хадамоти гумруки назди Ҳукумати Ҷумҳурии Тоҷикистон ба мухбири АМИТ «Ховар» иттилоъ доданд, ки ҳангоми аз назар гузаронидани бағоҷи мусофирони ҳавопаймои Хуҷанд-Челябинск аз дохили бағоҷи мусофир Бӯрӣ Ҳалимзода зардолуи хушк ёфт шуд. Номбурда даруни донаҳои шикастаи зардолу 159 адад бастачаи селофании маводи нашъадори «ҳашиш»-ро ҷой кардааст, ки вазнаш 436,1 граммро ташкил медиҳад. Қочоқчӣ мехост маводи шашъадорро ба Федератсияи Русия барад. Айни ҳол нисбати Бӯрӣ Ҳалимзода тибқи моддаҳои 32, қисми 3, 200, қисми 2 ва 289, қисми 2-и Кодекси ҷиноии Ҷумҳурии Тоҷикистон парвандаи ҷиноӣ оғоз карда шуд. Ҷинояти ӯро прокуратураи нақлиёти вилояти Суғд тафтиш мекунад.