ДУХТУРОНИ РУСИЯ БА ҲАМКАСБОНИ ХУД АЗ ВИЛОЯТИ ХАТЛОН КӮМАК МЕРАСОНАНД
Мутахассисони рус дар доираи ҳамкории бисёрҷонибаи давлатҳои аъзои Созмони ҳамкории Шанхай ба Тоҷикистон фиристода шуданд. Ба ҳайат духтурони дараҷаи олии бемориҳои дил, бемориҳои дохилӣ, асабшинос, ҷарроҳи гурда, бемориҳои чашму гулӯ ва биннӣ, духтурони бемориҳои занона ва хоҳарони шафқат шомиланд. Кӯмаки духтурони рус ба духтурони тоҷик солҳои Ҳукумати Шӯравӣ ба ҳукми анъана даромада буд. Акнун духтурони Русия ба ҳамкасбони тоҷикашон дар ташхису табобати бемориҳои вазнин кӯмак мерасонанд. Ин анъанаи нек акнун дар доираи СҲШ давом дода мешавад. Бояд гуфт, ки соли гузашта низ гурӯҳи духтурони Русия ба Тоҷикистон омада буданд. Онҳо имсол ҳамроҳи худ ба Тоҷикистон асбобу анҷоми мураккаби ташхискунандаро оварданд. Сафари кории духтурони Русия дар Тоҷикистон то 13 сентябр давом мекунад.
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
