ФАЛОКАТИ ҲАВОПАЙМО ДАР ФАЗОИ МАДРИД

Мадрид, 26 август. ( АМИТ «Ховар», Нюсру.Ком).- Яке аз мусофирони бар асари фалокати ҳавопаймои ширкати Испания зиндамонда ба хабарнигорон гуфт, ки вай ва мусофирони дигар  дар аввал дар тарафи яке аз  двигателҳои ҳавопаймо алангаи оташро мушоҳида кардаанд.           Баъди чанд лаҳза  дар ҳавопаймо таркиш ба амал омад ва он ба замин афтод. Мусофири мазкур изҳор намуд, ки  ҳавопаймо баъди  аз сатҳи замин 200 метр баланд шудан ба фалокат дучор шуд. Ба қавли мусофирони зиндамонда, ҳавопаймо якбора  ба замин наафтода, балки  сарнишинон мехостанд, онро фуруд оранд.         Вале ба ақидаи коршиносон,  танҳо  оташ гирифтани двигател сабаби  ба замин афтодани ҳавопаймо намегардад. Ин ҷо  бештар имконияти  амалиёти  террористӣ  ба назар гирифта мешавад.Бар асари ин фалокат  153 нафар ҳалок ва 19 нафари дигар маҷрӯҳ шуд.