ХУ СЗИНТАО БА МУВАФФАҚИЯТИ САФАРАШ БА ТОҶИКИСТОН БОВАРИИ КОМИЛ ДОРАД

Онҳоро кӯҳҳои баланд ва дарёҳои кӯҳистон ба ҳамдигар мепайванданд. Муносибатҳои анъанавии дӯстонаи ҳар ду давлат таърихи тӯлонӣ доранд. Ин муносбатҳо дар давоми 16 соли гузашта муттасил густариш ёфтанд. Ҳар ду мамлакат дар соҳаҳои сиёсӣ, тиҷоратию иқтисодӣ, амният ва гуманитарӣ самарабахш ҳамкорӣ мекунанд. Мамлакатҳои мо проблемаҳои аз гузашта бамеросмондаи сарҳадиро пурра ҳал карда, Муоҳидаи дӯстӣ, ҳусни ҳамҷаворӣ ва ҳамкориро имзо намуда, ба ҳамдигар дар ҳалли проблемаҳои муҳимтарин кӯмак расонида, инчунин дар доираи созмонҳои байналхалқӣ, аз ҷумла СММ , СҲШ ва ғайра бомуваффақият ҳамкорӣ мекунанд. Ин дар таъмини сулҳу суботи минтақа нақши муҳим мебозад. Раиси давлати Чин, ки барои боздиди давлатӣ ба Тоҷикистон омадааст, гуфт ки зимни мулоқот бо Президенти Тоҷикистон Эмомалӣ Раҳмон ва роҳбарони дигари ҷумҳурӣ натиҷаҳои муносибатҳои дуҷониба ҷамъбаст намуда, самтҳои асосии рушди минбаъдаи онҳо муайян куарда мешаванд. Боварии комил дорам, ки дар натиҷаи кӯшишҳои ҳар ду ҷониб ин сафар ҳам натиҷаи дилхоҳ дода, бар асари он ҳусни ҳамҷаворӣ дӯсти ва ҳамкории Тоҷикистону Чин бештар густариш дода мешаванд, гуфт Ху Сзинтао.