ИШТИРОКИ СААД ВОҚЕИЯТИ ОМӮЗИШИ ВАЗЪИЯТИ ҚАФҚОЗРО БЕШТАР МЕГАРДОНАД

Маскав, 28 август. (АМИТ «Ховар, Ҳалима Хушқадамова). — Муншии умумии Созмони аҳдномаи амнияти дастаҷамъӣ Николай Бордюжа ба АМИТ «Ховар» хабар дод, ки намояндагони давлатҳои аъзои созмон дар фаъолияти гурӯҳи нозирони он дар минтақаи муноқишаи Гурҷистону Иристони Ҷанубӣ ширкат меварзанд. Арманистон, Белорусия, Қазоқистон ва Русия изҳор намуданд, ки намояндагони худро дар ҳайати созмон ба ин минтақа мефиристанд. Н. Бордюжа зикр кард, ки айни ҳол дар мамлакатҳои аъзои созмон интихоби номзадҳо давом дорад. Котиботи созмон ба иштироки намояндагони давлатҳои аъзои он дар ҳайати гурӯҳи нозирони ҳарбӣ манфиатдор мебошад. Ин воқеияти омӯзиши вазъияти минтақаро бештар мегардонад, гуфт Николай Бордюжа.