КОНФРОНСИ БАЙНАЛХАЛҚӢ БАХШИДА БА ЭҶОДИЁТИ РӮДАКӢ

                     Дар он ҳаводорони адабиёт бо муҳаққиқони эҷодиёти Абӯабдулло Рӯдакӣ мулоқот хоҳанд кард. Ташкилкунандагони конфронс вазорати фарҳанг ва Китобхонаи миллии ба номи Абулқосим Фирдавсӣ мебошанд. Мухбири АМИТ «Ховар» хабар медиҳад, ки дар конфронс профессор Қурбон Восеъ, атташеи масъалаҳои фарҳанги сафорати Афғонистон дар Тоҷикистон Шамсулҳаққи Ориёнфар, директори Китобхонаи миллии ба номи Абулқосим Фирдавсӣ Шариф Комилзода ва дигарон дар бораи мавзӯъҳои муҳимтарини ҳаёту эҷодиёти Абӯабдулло Рӯдакӣ маърӯза хоҳанд кард. Дар доираи конфронс дар толори китобхона намоиши китобҳо бахшида ба ҳаёту эҷодиёти А.Рӯдакӣ ташкил карда мешавад.