МАМЛАКАТҲОИ СҲШ САҲМИ РУСИЯРО ДАР МУСОИДАТ БА СУЛҲИ МИНТАҚАИ ҚАФ

Душанбе, 29 август. (АМИТ «Ховар» — Евронюс). – Мамлакатҳои аъзои Созмони ҳамкории Шанхай, аз ҷумла, Чин, Русия, Қазоқистон, Қирғизистон, Ӯзбекистон ва Тоҷикистон вобаста ба вазъияти Иристони ҷанубӣ изҳори ташвиши ҷиддӣ намуда, нақши фаъолонаи Русияро дар бобати мусоидат ба сулҳу осоиш дар минтақаи Қафқоз дастгирӣ карданд. Дар Эъломияи Душанбе даъват карда мешавад, ки тарафҳои даргир проблемаҳои мавҷударо бо роҳҳои гуфтушунид ва мусолиматомез ҳаллу фасл кунанд. Боварӣ дорам, ки мавқеи ягонаи давлатҳои аъзои СҲШ ҳамовозии байналхалқиро ба вуҷуд оварда, онҳоеро ҳушдор хоҳад дод, ки ҳақиқатро сарфи назар карда, таҷовузро ба муқобили мамлакати дигар ҳақ бароварданӣ мешаванд, гуфт Д.Медведев.