«ОРИЁНБОНК» БА МӮҲТОҶОН КӮМАК МЕРАСОНАД

Душанбе, 27 август. (АМИТ «Ховар», Бекназари Абӯбакр). — Ҷамъияти саҳомии «Ориёнбонк» тайи чанд соли охир маъракаҳои хайрия ташкил намуда, дар доираи он ба шахсони мӯҳтоҷ кӯмакӣ моддӣ, молӣ ва маънавӣ мерасонад. ҶС «Ориёнбонк» соли ҷорӣ ба истиқболи ҷашни 17-умин солгарди Истиқлолияти Ҷумҳурии Тоҷикистон ба мактаб-интернати махсуси бачагони чашмашон хира ва қувваи басираашон сусти шаҳри Исфара кӯмаки хайрия расонид. Инчунин, ба баъзе корхонаву муассисаҳо ва шахсони маъюб, аз ҷумла Ширкати хусусии нобиноёни «Меҳрангез», Бунёди хайрияи «Дили кӯдак», иштирокчиёни Ҷанги Бузурги Ватанӣ Н.Ф. Конышев, Т.Д. Мангушева, Л.В. Суздалева, шахсони маъюбу мӯҳтоҷ Фирдавс Саидов ва Муҳаммадюсуф Исмоилов ва ба шаҳрванд Парвиз Негматуллоев барои табобати духтараш Динора кӯмаки нақдӣ расонд.