ПЕШНИҲОДИ ТОҶИКИСТОН ДАР БОРАИ ТАЪСИСИ МАРКАЗИ ЗИДДИТЕРРОРИСТИИ СҲШ ДАР ДУШАНБЕ
Душанбе, 29 август. (АМИТ «Ховар», Мавҷуда Давлатзода).- Сарони давлатҳои аъзои СҲШ 28 август зимни мулоқоташон дар Душанбе ба проблемаи хариду фурӯши ғайриқонунии маводи нашъадор диққати ҷиддӣ доданд Ташвиши онҳо дар ин масъала дар Баёнияи муштарак инъикос ёфтааст, ки онро сарони ҳамаи шаш мамлакати аъзои созмон имзо намуданд. Президенти Ҷумҳурии Тоҷикистон Эмомалӣ Раҳмон зимни суханрониаш дар маҷлис дар бораи мавқеи Тоҷикистон оид ба ин масъала сухан ронд. Вай зарурати густариши ҳамкориро бо созмонҳои манфиатдори минтақавӣ, инчунин СММ ва САҲА дар мубориза ба муқобили хариду фурӯши ғайриқонунии маводи нашъадор махсус таъкид намуд. Сардори давлати Тоҷикистон пешниҳод кард, ки барои тақвияти ҳамкорӣ дар мубориза ба муқобили хариду фурӯши ғайриқонунии маводи нашъадор дар шаҳри Душанбе маркази махсуси зидди маводи нашъадори СҲШ таъсис дода шавад. Эмомалӣ Раҳмон таъкид намуд, ки дар мубориза ба муқобили маводи нашъадор танҳо дар натиҷаи ҳамкории ҳамаҷониба бо Ҳукумати Афғонистон натиҷаи дилхоҳ ба даст овардан мумкин аст. Сарони давлатҳои аъзои СҲШ дар фарҷоми маҷлис ба хадамоти мубориза ба муқобили маводи нашъадори мамлакатҳояшон дастур доданд, ки бо мақсади баррасии масъалаҳои муқаррар намудани механизми мубориза ба муқобили гардиши ғайриқонунии маводи нашъадор, муайян кардани стратегия ва барномаи бастани роҳҳо қочоқи маводи нашъадор аз Афғонистон ниммаи аввали соли 2009 маҷлиси махсус гузаронанд.
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
