СОХТМОНИ БИНОҲОИ ҶАШНӢ

Хуҷанд. 27 августи соли 2008.- Сохтмони корхонаю муассисаҳои ҷашнӣ дар маркази вилояти Суғд-шаҳри Хуҷанд бо суръат давом дорад. Теъдоди зиёди онҳо дар арафаи иди Истиқлолият ба истифода дода мешаванд. Яке аз онҳо ҳайкали поягузори назми классикии тоҷику форс Абӯабдулло Рӯдакӣ мебошад, ки ба муносибати 1150-солагии устоди шоирони тамоми ҷаҳон дар соҳили дарёи Сир гузошта мешавад. Муаллифи ҳайкал муҷассамасози маъруф, омӯзгори факултаи санъати ба номи Бобоҷон Ғафуров Даврон Раҳматов аст. Баландии ҳайкал бо таҳкурсиаш 15 метр мебошад. Маҳалли гузаштани ҳайкалро коргарони комбинати хонасозии вилоят ба тартиб меоранд. Дар сохтмони биноҳои ҷашнӣ саҳми коргарону мутахассисони ҷамъиятҳои саҳомии «Қалъа», «Бинокор», «Грек», «Раҳматов» ва ғайраҳо калон аст.