ТАЛАФОТИ МОЛИИ РУСИЯ ВОБАСТА БА АМАЛИЁТИ ҲАРБӢ ДАР ҚАФҚОЗ
Вазири молияи Русия Алексей Кудрин ба журналистон хабар дод, ки талафоти молии мамлакат вобаста ба амалиёти ҳарбӣ дар Иристони Ҷанубӣ ва Гурҷистон 7 миллиард доллари ИМА – ро ташкил медиҳад. Вай хабар дод, ки танҳо 8 август дар рӯзи аввали амалиёти ҳарбӣ аз Русия 6 миллиард доллар бароварда шуд. Вай зикр намуд, ки дар давоми соли 2008 даромади софи мамлакат нисбат ба нақшаи пешбиникардаи Бонки марказӣ хеле камтар гашта, тақрибан 30 – 40 миллиард долларро ташкил медиҳад. Бояд гуфт, ки вазъияти бозори молиявии Русия бо сабаби амалиёти ҳарбӣ дар Қафқоз хеле зуд тағйир ёфт. Дар натиҷа қурби рубл нисбат ба доллар дар давоми як ҳафта хеле паст фуромад. Ба ақидаи коршиносон,Ю қиммати доллар нисбат ба рубли Русия дар давоми як ҳафтаи амалиёт қариб як рубл афзуд. Вале вазири молия А.Кудрин изҳор намуд, ки ин вазъият ба натиҷаҳои умумии макроиқтисодии мамлакат таъсири ҷиддӣ намерасонад. Айни ҳол вазъи молиявии иқтисодиёти Русия баъди изҳороти Д.Медведев дар бораи бомуваффақият анҷом ёфтани амалиёти ҳарбӣ Гурҷистон мӯътадил гардидааст.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
