ТЕЪДОДИ МАКТАБҲОИ ОЛӢ КАМ ШУД

Имсол шӯъбаи Донишкадаи иқтисод ва як шӯъбаи Донишкадаи тиҷорати Тоҷикистон дар шаҳри Хуҷанд бори аввал донишҷӯёнро қабул хоҳанд кард. Сардори раёсати мактабҳои олии вазорати маориф Алидод Расулов ба мухбири АМИТ «Ховар» хабар дод, ки чанд сол пеш дар ҷумҳурӣ мактаби олӣ фаъолият дошт. Айни ҳол дар мамлакат ҳамагӣ 28 мактаби олӣ фаъолият дорад. Сабаби кам шудани теъдоди мактабҳои олӣ ҳамин аст, ки баъзеи онҳо аз санҷиши давлатӣ нагузашта, соҳиби иҷзатномаи фаъолият нагардиданд. Аз ҷумла, соли 2006 чор мактаби олӣ баста шуд. Соли 2007 дар Душанбе мактаби нави олӣ — Донишкадаи исломӣ кушода шуд.Соли таҳсили 2008 -2009 ба хамаи мактабҳои олии мамлакат қариб 25 ҳазор донишҷӯ қабул карда мешавад. Аз ин ҷумла, 15,5 ҳазор донишҷӯ мувофиқи карордод ва 9 ҳазор донишҷӯ ба шӯъбаҳои буҷетӣ қабул карда хоҳанд шуд. Шумораи донишҷӯёне, ки мувофиқи имтиёзҳои муқаррарнамудаи Президенти ҷумҳурӣ қабул карда мешаванд, сол то сол меафзояд. Соли равон аз рӯи ин имтиёзҳо ба мактабҳои олӣ 1007 донишҷӯ қабул карда мешаванд. Бо ин мақсад барои ВМКБ 120 ҷой, вилояти Суғд – 252 ҷой, вилояти Хатлон 354 ҷой ва ноҳияҳои тобеи марказ 253 ҷой ҷудо карда шудааст.