ҚУВВАИ КОРӢ

Душанбе, 26 сентябр. (АМИТ «Ховар», Лаззат Диловарзод).- Аз Кумитаи давлатии омор ба мухбири АМИТ «Ховар» иттилоъ доданд, ки дар моҳи июли соли 2008 дар хадамоти шуғли аҳолӣ 65,1 ҳазор нафар корталаб ба қайд гирифта шудааст, ки ин нисбат ба соли 2007 3,9 фоиз ва нисбат ба моҳи июни соли ҷорӣ 1,4 фоиз кам мебошад. Дар моҳи июли соли 2008 — 3,6 ҳазор нафар ба хадамоти шуғли аҳолӣ оид ба таъмини кор муроҷиат карданд, ки ин нисбати ҳамин давраи соли гузашта 6 фоиз кам аст. Дар ин муддат 28 ҳазор нафар бекорони дар қайд буда, ба кор таъмин карда шуданд, ки ин 55,4 фоизи шумораи муроҷиаткунандаҳоро ташкил медиҳад.