ҚУВВАОЗМОИИ ФУТБОЛБОЗОН

Душанбе, 11 сентябр. (АМИТ «Ховар», Пайрав Назаров).- Имрӯз қувваозмоиҳои аввалини дастаҳои футболи мамлакат барои ба даст овардани Ҷоми Тоҷикистон дар соли 2008 баргузор гардиданд. Дастаи футболбозони ЦСКА «Помир» дар натиҷаи қувваозмоӣ бо дастаи «Равшан» — и шаҳри Кӯлоб ба ҳисоби 2 :0 ғолиб омад. Қувваозмоии дастаи футболбозони «Вахш» ва «Тоҷиктелеком» бо ҳисоби калони 4:0 ба фоидаи дастаи «Вахш» анҷом ёфт. Дастаи «Гвардия» дар ҷараёни қувваозмоӣ бо дастаи «Энергетик» бо ҳисоби 1:0 мағлуб шуд. Дастаи футболбозони «Саройкамар» — и ноҳияи Панҷ ба мусобиқа бо дастаи «Регар — Тадаз» ҳозир нагардид. Нисбати дастаи «Саройкамар» бохти техникӣ таъин карда шуд. Қувваозмоиҳои ҷавобӣ рӯзҳои 13 — 15 сентябр баргузор мегарданд.