ҶАМЪОВАРИИ ҒАЛЛА ДАР ҶУМҲУРӢ

Душанбе, 11 сентябр. (АМИТ «Ховар», Лаззат Диловарзод).- Бино ба маълумоти фаврии Вазорати кишоварзӣ дар ҷумҳурӣ 400 ҳазор тонна ғалладона ҷамъоварӣ гардид. То 8 сентябри соли ҷорӣ аз майдони 292 ҳазору 477 гектар зироатҳои ғалладона 218 ҳазору 488 гектари он даравида шудааст, ки ин баробари 74,4 фоизи нақшаи умумии киштро ташкил медиҳад. Аз масоҳати замини даравидашуда 207 ҳазору 80 гектари он кӯфта шудааст, ки ҳосилнокии он аз 1 га 18,4 сентнериро ташкил медиҳад. Ҳосили ба дастомада, нисбат ба ҳамин давраи соли 2008 -19 ҳазору 665 тонна зиёд аст.