ҶАМЪОВАРИИ ҒАЛЛАДОНА ДАР КИШВАР

              Душанбе, 2 сентябр. (АМИТ «Ховар», Лаззат Диловарзод).- Имрӯзҳо дар хоҷагиҳои кишоварзии ҷумҳурӣ ҷамъоварии зироатҳои ғалладона зери назорати соҳибкорон ва хоҷагиҳои деҳқонӣ (фермерӣ) қарор дода шуда аст, то ғаллаи бо сад ранҷу заҳмат парваридаашон беталаф ҷамъоварӣ гардад.              Тибқи маълумоти фаврӣ, то 1 сентябри соли ҷорӣ аз масоҳати 292 ҳазору 447 гектар зироатҳои ғалладона майдони 208 ҳазору 700 гектари он даравида шуда, ҳосили 197 ҳазору 630 гектари он кӯфта гирифта шудааст. Ҳосили ғаллаи заминҳои кӯфташуда 365 ҳазору 693 тоннаро ташкил намуд. Ҷамъоварии ғалла дар ноҳияҳои ҷумҳурӣ бо суръати баланд давом дода мешавад.